निसर्ग सौंदर्य कविता ३३
निसर्ग सौंदर्य
आभाळ भरून आले
ढगाळ हवामान झाले
गगनी श्यामल घन दाटले
माचीवरुनी जावू लागले ||
वाऱ्याच्या संग ढग धावती
मन मोहक चित्र दिसती
झाडं वेली झळाळली
हिरवीगार शिवारं झाली ||
गवताची रजई भुईवर पसरली
सगळीकडे हिरवळ दाटली
वाऱ्यासंग पाती नाचली
फुलपाखरं बागडू लागली ||
चिंब ओली झाली वसुंधरा
हिरव्या पैठणीत सजली धरा
क्षणात दिसतो नवा बदल
एकटं घर शोभे शुभ्रधवल ||
श्री रविंद्र लटिंगे ओझर्डे वाई
काव्य पुष्प ३३
Comments
Post a Comment