निसर्ग सौंदर्य गांव २८
हिरवंगार शिवार,बागायतीचं
गावच्या समृद्धीच्या आनंदाचं
आखीव रेखीव दिसे हिरवी शेती
मशागतीने झाली पिकाऊ माती ||
डोस पाजतो अमृताचा
मेहनतीच्या मशागतीचा
पिकाला अभिषेक घामाचा
दरवळतो सुगंध कष्टाचा ||
पोरासारखी करतो माया
पशुपाखरा देतो छाया
पीकाचा बहरतो फाया
शेतकरी पडतो पाया||
कृषीपंढरी ही अन्नदात्याची
समृध्द ग्राम तिथं नांदती
शिवारातली डुलती पाती
डोंगर जपतो निसर्ग नाती ||
श्री रविंद्र लटिंगे ओझर्डे वाई
काव्यपुष्प २८
छायाचित्र शिवनेरी परिसर
Comments
Post a Comment