कोजागिरी पौर्णिमा काव्य पुष्प-१२२

🌝💫🌝💫🌝💫         

       कोजागिरी पौर्णिमा

धानाच्या ओंब्यांची तोरणं बांधूया 

कोजागिरी पौर्णिमेला नवान्न पुजूया 

मित्र कुटूंबासवे शांत स्थळी जाऊया

नभीचं तारांगण मनसोक्त  पाहूया❗

मसाला दूध केशर बदाम चारोळीचे  

चंद्राच्या प्रकाशात मंदाग्नीवर आटवूया 

कढईतल्या दुधात दिसते प्रतिबिंब चंद्राचे  

नयनमनोहरी  दृश्य मनात साठवूया ❗

आठवणींच्या हिंदोळ्यावर झोके घेऊया 

गाणी गप्पागोष्टींची मैफिल सजवूया 

रात्रीचं शीतल चांदणं  मनभरुन पाहूया 

शुभ्रधवल चांदण्यात न्हावून जावूया ❗

मसाला दूध प्राशन करीत 

मजेत पुनव साजरी करुया 

शांत शीतल रुपेरी प्रकाशात

शरदाचं पिठूर चांदणं पाहूया ❗

मसाला दुधाचा आस्वाद घेऊनी  

कोजागिरीला जागरण करूया

गुलाबी थंडीची चाहूल जाणूनी 

आनंदाच्या दिवाळीची वाट पाहूया ❗

श्री रविंद्र लटिंगे ओझर्डे वाई

काव्य पुष्प-१२२

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com