निसर्ग सौंदर्य कर्दळी कविता १०७

निसर्ग सौंदर्य 

ढगाळ हवा सांजवेळी 

आभाळी मेघांची नक्षी 

दिसे दृश्य मुक्त चित्रांचे

नजर वेधणारे पशुपक्षी ||

झाडांची हिरवाई 

पानोपानी सजली 

मधीच सोनेरी रंगात 

कर्दळीची फुले बहरली ||

निसर्गाची किमया न्यारी 

मुक्तपणे रंग ओसंडले 

सृष्टीचे रुप नव्या 

साज सुगंधाने बहरले ||

डोंगराच्या कडेकपारी

प्रपात ओहळ गाती गाणी

पानाफुलातून नाद घुमे

सुसाट मंद वाऱ्याची वाणी||

श्री रविंद्र लटिंगे ओझर्डे वाई

काव्य पुष्प १०७

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https:// raviprema.blogspot.com