फुलांचे ताटवे काव्य पुष्प-१३२
फुलांचे ताटवे
सायंकाळी फिरताना
कडेला ताटवे दिसले
गर्द तांबडे गुलदस्ते
नजरेत भरु लागले 🌸
अडगळीच्या गचपनाला
सुमने शोभिवंत करती
गवतफुलांच्या झाडातून
गेंददार फुले उसळती 🦋
तांबड्या सुमनांची नक्षी
हिरवाईच्या चटईवरती
सणवारांचे करण्या स्वागत
त-हेत-हेचे रंग उधळती 🌸
हर्ष आनंदाची प्रतिक फुले
निसर्गसृष्टी सजविती
गंध सुगंध रंग देवूनी
माला गुच्छ तोरणं लगडती 🍁
काव्य पुष्प-१३२
श्री रविंद्र लटिंगे ओझर्डे वाई
Comments
Post a Comment