वृक्षाचा नजारा काव्य पुष्प-१५२

🌳वृक्षाचा नजारा🌴

गावाजवळील तलाव 

शिगोशिग भरलेला दिसे 

वृक्षाच्या फांद्यांचे 

जलाशयात प्रतिबिंब दिसे  ||

वाऱ्याच्या हालचालीने 

पानांची नक्षी जलावर दिसे 

पाण्यात बुडलेल्या खोडाचे

शेंडके  झुपकेदार दिसे||

वाकलेल्या खोडाचे 

मजेशीर रुप दिसले

त्याच्यावरुनी चालण्याचा

मोह मनाला भुरळ घाले  ||

तोल सांभाळत खोडावरुनी  

पटकन दोस्त पळत गेले

तयावर उभे राहूनी 

दिमाखात चित्रबध्द झाले||

श्री रविंद्र लटिंगे ओझर्डे वाई

काव्य पुष्प-१५२

प्रतिक्रिया

आदरणीय सर

 आपल्या काव्यरचनाला तोड नाही.

 अप्रतिम अशी रचना.

 कोणताही विषय असो, चित्र डोळ्यासमोर दिसल्यावर कमीत कमी सोळा ओळी तरी कवितांच्या झाल्या म्हणून समजायचं .

आपल्या लेखणीला सलाम..........🖋️🙏

श्री गणेश तांबे वाठार निंबाळकर फलटण