कवडसा तलावातला काव्य पुष्प-१४३

🔰कवडसा🔰

जलतरंगावर कवडसे पडले

आरश्यात मी निरखून पाहिले

छबी पाहूनी मस्तच वाटले

चेहऱ्यावरती हास्य उमटले  ||

जलातल्या खोडावर उभा राहूनी 

दोस्ताला फोटो काढायला सांगितला

अचंबित करणारे दृश्य पाहूनी 

 शिवसागर जलाशय आठवला||

 खोड अन् फांद्या पाण्यात न्हाल्या 

पानाफुलांच्या  रांगोळ्या उमटल्या 

झाडांनी पाण्यावर छत्र्या धरल्या

भटकंतीच्या उत्कंठा वाढवल्या ||

दोस्तांनी मारल्या उड्या

मस्तच तलाव हाय गड्या

मनमोहक तलाव परिसर 

प्रसन्न ऊर्जेचा होई असर ||

काव्य पुष्प-१४३

१ नोव्हेंबर २०२०

श्री रविंद्र लटिंगे ओझर्डे वाई

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https:// raviprema.blogspot.com

प्रतिक्रिया

प्रतिमा पाण्यातली,लटिंगे सरांच्या मनातली 

श्री उध्दव निकम सर वाई

निसर्ग पर्यटक व फोटोग्राफर