अष्टपैलू व्यक्तिमत्त्व काव्य पुष्प-१४९

🖌️अष्टपैलू व्यक्तिमत्त्व🖋️

(श्री रमेश जावीर सर खरसुंडी ता.आटपाडी)

छांदिष्ट्य समूहाचे अवलिया 

काठ्यशिल्पातून सिध्दले कर्तृत्व

दिलखुलासपणे सुसंवादती 

विविधांगी पैलूंचे व्यक्तिमत्व |

आपला व्यासंग आयुष्यभर जपती 

काष्ठ्यशिल्पातून हितगुज साधती 

चित्र शिल्पातून संमोहित करती 

संग्राहकवृत्तीची सिध्दता पटती |

वास्तवतेचे ज्वलंत अस्सल लेखन 

होलिया वाजाप अन् सप्तरंगी कला 

साहित्य आणि कला संग्रह  दालनातून 

भावभावनांचे माहेरघर भेटले आम्हाला |

चाणाक्ष नजरेने टिपलेल्या मुळखंडाला 

पशुपक्ष्यांच्या काष्ठ्यशिल्पात आकारल्या  

कर्तव्यभूमीच्या अनेक आठवणी 

काष्ठ्य शिल्पातून मांडल्या|

खडतर संघर्षमय नव्यावाटेने 

जीवन समृध्दीचा कलारंग

कला म्हणजे जीवन मानून 

बनविला आयुष्याचा व्यासंग |

याभेटीने सरांचे समजले अंतरंग 

कलेचे उलगडले बहुढंग 

लाभली लोकप्रियता उदंड

कलेचा उपासक छंदात दंग|

श्री रविंद्र लटिंगे ओझर्डे वाई

काव्य पुष्प-१४९

या पुर्वाचे काव्य पुष्प व लेख वाचण्यासाठी खालील ब्लाॅगला भेट द्यावी.

https://raviprema.blogspot.com