दिवाळी फराळ काव्य पुष्प-१४०

🏮🏮🏮🏮🏮🏮🏮    

        दिवाळी फराळ

सण आला दिवाळीचा 

फराळोत्सवाच्या लगबगीचा 

साखरेच्या पाकात बुंदी भिजली

लाडू वळण्या एकत्र झाली ||

लाठलेल्या पातीत सारण भरुया

फिरकीने अलवार नक्षी काढूया 

मंद आचेवर करंजी तळूया 

खरपूस भाजून शीग लावूया||

पोह्याचा खमंग चिवडा केला

शेंगदाणे खोबरं डाळ तळली 

मोहरी लसणाची खमंग 

तडतड फोडणी घातली||

कडधान्यांचे पीठ घेतले 

तिखटमीठ घालून मळले 

शेवग्याने चकली बनवली

उकळत्या तेलात तळली ||

कुरकुरीत खमंग भाजली 

गरमागरम चवीनं खाल्ली   

अनारसे खसखशीने सजले 

कडकडीत गुळमाट झाले ||

घर आवलीने सजवूया 

अंगणी रांगोळी रेखाटूया 

गप्पांची मैफिल भरवूया 

फराळावर ताव मारुया ||

श्री रविंद्र लटिंगे ओझर्डे वाई

काव्य पुष्प-१४०