सण दिपावलीचा काव्य पुष्प-१३७

सर्व मित्रपरिवारास दिवाळीच्या हार्दिक शुभेच्छा ❗ 

🍁🏮सण दिपावलीचा

सजला आकाशकंदील घराला

दिव्यांची रोषणाई घरदाराला

रांगोळी सजली अंगणाला 

फुलांपानांचे तोरण दाराला |

दारी लावला आशेचा दीप 

आसमंती झळकती कंदील 

उटणे लेऊन झालं अभ्यंग स्नान

नव्याने बांधला जरीचा मंदिल |

धनत्रयोदशीला पूजा धन्वंतरीची 

आरोग्यदायी निर्मळजीवनाची 

पूजा करुया धन-धान्याची 

घराला बरकत  मिळण्याची|

अभ्यंगस्नान नरक चतुर्दशीला

श्रवणीय गाणी ऐकू पहाटेला 

चैतन्याचे तेजोमय दीप लावूया 

विवेकदीप मनांमनात लावूया |

निराशेची तमा नाहिशी करुया 

सकारात्मक विचाराची कास धरुया 

खमंग फराळावर ताव मारुया

नवीन वस्त्रे परिधान करुया |

आश्विन अमावस्येला 

कुबेर लक्ष्मी पूजायला 

पंच पकवान्न नैवैद्याला 

लाह्या बत्तासे वाहायला|

काव्य पुष्प १३७

श्री रविंद्र लटिंगे ओझर्डे वाई 

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https:// raviprema.blogspot.com