शीतल सांज काव्य पुष्प-१५५

*शीतल सांज*

शांत सायंकाळी विलोभनीय बिंब

दिवाकराचे रुप नजर वेधते 

 ढगांना गुलालाची लाली 

आकाशी उजळून दिसते ||

रवि किरणांचा तेजोमय प्रकाश 

लाल सोनेरी रंग उधळतो 

मनमोहक सूर्यास्ताचा देखावा

क्षणात नयनाने टिपतो ||

डोंगरमाथ्यावरुनी दिसे 

मोहक रुप अस्ताचं 

क्षितीजावरील निळसर छटेत

धूसर होत असल्याचं||

हे प्रभाकरा तुला नमितो 

तेजोमय चेतनेची वाट पहातो 

तुझ्या सौंदर्यासह पवनचक्की

अन् झाडवेलींचे दृश्य टिपतो||

काव्य पुष्प-१५५

श्री रविंद्र लटिंगे ओझर्डे वाई

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com