भाजी मंडई काव्य पुष्प-१२९
🥦 भाजी मंडई 🍅
भाजी घ्या भाजी
ताजी ताजी भाजी
काकडी घ्या काकडी
हिरवी हिरवी काकडी ||
मुलांनी अंगणात बाजार मांडला
शेतातला भाजीपाला आणला
रानातला हरभरा आणला
परसबागेतला पापडी शेवगा आणला ||
मळ्यातल्या फळभाज्या आणल्या
काहींनी कटलरी वस्तू आणल्या
घरीच बनवले खारं शेंगदाणे
चिक्की, लाडू बर्फी फुटाणे||
चाकवत मेथी कांदे बटाटे
बोरं आणि चिंचेचे छोटे वाटे
खरेदी करण्या धांदल उडाली
पहिल्यांदा मुलांची भंबेरी झाली ||
पालकांची गर्दी कोथिंबीर कांद्याला
तीन लिंबं पाच रुपयाला
गावरान इंद्रायणी तांदूळाला
गर्दी झाली बघून घ्यायला ||
मुलं झाली विक्रेते
पालक झाले घेवारी
करु लागले खरेदी
भेळ फरसाण पाणीपुरी||
व्यवहारज्ञानाची माहिती
कृतीतून घेती अनुभूती
शेजारच्या शाळा भेट देती
आवडता खाऊ विकत घेती ||
सर सर भाजी घ्याना भाजी
मुलांनी लडिवाळ विचारणा केली
फळे भाज्या खाऊ नाना
तांदूळ लाडू चिक्की घेतली ||
व्यवहारीक अनुभव म्हणून उपक्रम केला
पालकांचा चांगला प्रतिसाद मिळाला
महिन्यातून एकदा भरवाना मंडई
मस्तच होईल शाळेची नवलाई||
श्री रविंद्र लटिंगे ओझर्डे वाई
काव्य पुष्प-१२९
Comments
Post a Comment