महात्मा ज्योतिबा फुले काव्य पुष्प -१५३

विनम्र अभिवादन 

       महात्मा ज्योतिबा फुले 

छत्रपती शिवाजी महाराजांच्या 

समाधीचा जीर्णोद्धार करणारे  

छत्रपतींच्या इतिहासाचा पोवाडा लिहिणारे   

जातिभेदाला मूठमाती देणारे||

सामाजिक क्रांतिला 

घरापासून सुरुवात करणारे 

ज्ञानाची ज्योत पेटवून 

पत्नीला शिक्षिका करणारे ||

बहुजनांच्या शिक्षणासाठी 

ज्ञानाची कवाडे खुली केली 

मुलींच्या शिक्षणासाठी 

पुण्यात शाळा सुरू केली ||

समतेचा विचार आचरणात जोपासणारे 

बहुजन समाजाचे महात्मा खरे

 पिण्याच्या पाण्यासाठी 

 हौद खुला करणारे  

पुरोगामी विचारधारा पेरणारे||

साहित्यातून वास्तव लेखन करणारे 

शेतकऱ्यांचा आसूड मध्ये 

शेतकरी जीवन व्यक्त करणारे

सत्यशोधक समाजाची स्थापना करणारे ||

स्त्रीशिक्षणाची मुहूर्तमेढ रोवणारे 

उच्चवर्णियांची मक्तेदारी मोडीत काढणारे

क्रांतिसूर्य थोर समाजसुधारक 

सामाजिक बांधिलकी जपणारे ||

काव्य पुष्प-१५३