सालपाई माता कोंढावळे काव्य पुष्प ११२

नवरात्र उत्सवाच्या हार्दिक शुभेच्छा ❗कोंढावळे निवासिनी श्री सालपाई देवी चरणी शतशः नमो नमः आईच्या चरणी साष्टांग दंडवत....

🚩सालपाई माता 🚩     

उत्सव नवरात्रीचा

जागर स्त्रीशक्तीचा

मातृशक्तीच्या उत्सवाचा 

घट स्थापना करण्याचा 🌾

विचारांची पुष्पमाला बांधली

सजावट पर्णमालेची सजली

चैतन्याचा तेवता नंदादीप

दिसे तेजोमय मातेचे रुप 🌾

भक्तिभावाने जन लोटती 

देवीपुढे नतमस्तक होती 

मातेची थोरवी फार अपार  

चैतन्य ऊर्जेचा करी पाझर 🌾

महिमा भावभक्तीचा 

तेजस्वी नवप्रकाशाचा

नंदादीपाच्या तेवण्याचा 

व्रतवैकल्ये करण्याचा 🌾

पिवळ्या फुलांची माळ बांधूया 

कडाकणी देवीस अर्पण करुया 

देवीची नवरुपात पूजा बांधूया

लोककलांचा जागर घालूया 🌾

कोंढावळे ग्रामी स्वयंभू देवी सालपाई 

समस्त भाविक जनांची श्रीवरदायिनी 

नवरात्रीत समयांच्या प्रकाशती ज्योती 

भक्तीभावाने देवीच्या दर्शना जन येती 🌾

काव्य पुष्प ११२

श्री रविंद्र लटिंगे ओझर्डे वाई

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com

फोटो साभार -श्री अंकुश कोंढाळकर