कविता पाऊस पाणी ५१

💧 पाऊसपाणी💧

अंबरी ढग दाटून आले

काजळी घन निनादले 

बक्कळ बरसल्या धारा

ओलीचिंब भिजली धरा❗

धबधबे कड्याखाली आदळले

ओढेनाले वेगे धावत सुटले  

खाचरातील माती लोण्यावाणी 

सजले रे पाय मेंदीवाणी ❗

वापसा आला पेरा करा

कामं उरकू आळी पाळी

शेतावर पाभार धरु

बैलं  जुंपू शिवाळी❗

पाभार शिवारी चाले

फण रेघोटी ओढे

भलरी साद घाले 

चाडं बीज सोडे ❗

श्री रविंद्र लटिंगे ओझर्डे, वाई

मागील लेख व कविता वाचण्यासाठी खालील ब्लाॅगला भेट द्यावी.

htpps://raviprema.blogspot.com