कविता रचना कारंजे ५०
कारंजं
मनमोहक कारंजे पाहून
कंटाळा क्षणात घालवी
आनंदाला आलं उधाण
मनाला हर्षाने सजवी ||
देहभान हरपून बघत राहती
नवलाईचे कौतुक करु किती
जलाचे तुषार उंच उडती
सौंदर्य बघण्या सगळे दिसती |
नक्षीदार विद्युत रोषणाई,
जणू चांदणं सभोवरी
झाडांची छटा हिरवाई,
वेलींची रचना लयभारी ||
नेत्रदीपक दृश्य पाहूनी ,
आनंदाच्या उकळ्या फुटती
कारंज्याला कवेत घेऊनी,
मनोहारी दृश्याला टिपती ||
श्री रविंद्र लटिंगे ओझर्डे वाई
काव्यपुष्प ५०
Comments
Post a Comment