गणपती आरास कविता ७२

इकोफ्रेंडली आरास 

गणपती बाप्पा मोरया 

बाप्पा झाले विराजमान 

गवताच्या कुटीत छान

कळकाची नक्षीदार कमान 

झावळ्यांच्या ठिपक्याची शान||

भिंती गवताच्या ताट्याची 

बांधणी कळकाच्या कांबीची 

छत वाळक्या गवताचे 

पुढं सजले झाप नेच्याचे||

रानातल्या गवत काड्यानं

सजवलीय सुंदर आरास 

हस्तकलेची सुबक साज

खेड्यातल्या घराचा भास||

कुटीवर शोभे भगवी पताका 

ध्यास आपल्या अभिमानाचा 

वैष्णव संप्रदाय प्रतिकाचा 

गणपती उत्सव आनंदाचा ||

धमाल नाही पण उत्साह आहे

मिरवणूक नाही पण शांतता आहे

वाद्यांचा नाद नाही पण सूर आहे 

सजावट नाही पण मदतीचा हातभार आहे ||

बाप्पा कोरोनाचे विघ्न दूर करा 

हीच भक्तीभावाची विनंती तुजला 

पूजन दर्शन आरती करायला 

बाप्पाच्या उत्सवाला जन जमला ||

श्री रविंद्र लटिंगे ओझर्डे वाई 

काव्य पुष्प ७२ 

सजावट श्री गणेश मंडळ गणेशवाडी कोंढावळे 

मागील लेख व कविता वाचण्यासाठी खालील ब्लाॅगला भेट द्यावी https:// raviprema.blogspot.com