ऐसै जीवन गाणे काव्य पुष्प-१५७

🍁ऐसै जीवन गाणे 

ऐसै जीवन गाणे 

जीवनवाटेतले  टिपलेले 

वेचक वेधक क्षण पाहूया 

आयुष्यातील आठवणी 

सुपात पाखडून घेऊया||

संघर्षाचे कष्टमय धान

जात्यात भरडून दळूया 

लोकगीतं ओव्या गात  

सुखाचे पीठ मिळवूया||

दु:खाच्या पेटत्या ढपल्यावर  

फुंकणीने फुंकर घालूया 

सुखाची चूल पेटवून 

समाधानाचा सैपाक रांधूया ||

निराशा अपयश ताणतणाव

पाटया वरवंट्याखाली वाटूया 

यश किर्तीच्या चवीची 

मसाला चटणी बनवूया ||

ध्येयाच्या थंडगार दुधाला 

चिकाटीचे विरजण लावूया 

जिद्दीचे दही रवीने घुसळून 

प्रगतीचे लोणी काढूया|•

श्री रविंद्र लटिंगे ओझर्डे वाई काव्य पुष्प-१५७

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com