किरण शलाका काव्य पुष्प-१७७

💫किरण शलाका💥

नेत्रदीपक मनमोहक रूप

अस्ताला जाणाऱ्या दिवाकराचे 

भंडाऱ्याच्या मुक्त उधळणाने  

शिंपण झाले रंगाविष्काराचे ||

चराचराला ऊर्जा देणारा 

डोंगरा पल्याड निघाला 

प्रकाशाने मावळतीला 

सोनेरी किरणोत्सव झाला ||

तेजाने किरण शलाका तळपली 

फोकस दिसे वर आकाशी 

तेजोमय प्रकाश किरणांचा

कवडसा पडला वसुंधरेशी ||

स्वागत करती ऊसाचे तुरे 

रम्य दृश्याने मन  बावरे 

कुंचल्यातून चितारलेले 

सूर्यास्ताचे सौंदर्य  पहा रे ||

श्री रविंद्र लटिंगे ओझर्डे वाई 

काव्य पुष्प-१७७

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com