सूर सनईचे काव्य पुष्प-१८३

🎼सूर सनईचे🎹

सनईचे सूर कानी आले 

मंगल माहोल निर्मिले

विवाह सोहळ्याचा स्नेह आनंद वाढे 

जेव्हा पाहुण्यांची गळाभेट घडे||

सनईचे मंजूळ सप्तसूर 

साथीला चौघड्याचा निनाद 

रागांच्या सूरावटीचा मधूर आवाज 

मंगल वाद्याचा सुस्वर नाद||

 सुरांचे गुंजन रांगांची धून 

श्रवणिय गाण्यांनी मैफिल रंगली

सनई चौघड्याची जुगलबंदीने

ताल सूरांची गट्टी जमली||

 तरल भावनांचा सुषिर आविष्कार

सनई चौघड्याचे वादन बहारदार 

विवाह वेदीवरचं सुरेल पान

मंगल सूरांची सौंदर्य खाण||

श्री रविंद्र लटिंगे ओझर्डे वाई

काव्य पुष्प-१८३

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https:// raviprema.blogspot.com