पुरणपोळी काव्य पुष्प-१८०

पुरणपोळी 

सणवारांची मिष्टान्न मेजवानी 

धार्मिक कार्यात नैवेद्य अग्रमानी  

पुरणपोळीचा बेत करु का धनी

धजल्या घरातल्या सर्वजणी ||

 

तेलची पोळी कटाची आमटी

वरण भाताची मुद चटकदार भजी 

लिंबाची फोड मीठ चिमूटभर 

कुरडई पापड मेथीची भाजी||

  

मन लावून रांधलेला स्वयंपाक

आग्रहाच्या अगत्याने वाढणं  

गरमपोळीवर तूपाची धार 

गुळवणी संग मनसोक्त खाणं ||

आईच्या हातच्या चवीचं 

कवतिक सारी करती 

कटाची पिवळी आमटी

वाटीतली फुकूण फुरकती ||

भोजनाची बसली पंगत 

गरम पोळी येता ताटी 

गुळवणीला पोळीचा घास 

मिष्टभाषणी करत खाती||

श्री रविंद्र लटिंगे ओझर्डे वाई

काव्य पुष्प-१८०

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com