चुलीवरची भाकरी काव्य पुष्प-१७८

चुलीवरची भाकरी

बसायला घेतला पाट 

चुलीचा मंदाग्नी थाट 

परातीत मळलेले पीठ 

जीवनातले भोजन पीठ ||

तावाने भाकरी भाजते 

निखाऱ्यावर ती शेकते 

चटके ताव सहन करते

तावून सुलाखून निघते ||

एक भाकरी तव्यावर 

एक भाकरी निखाऱ्यावर 

चवड भरली टोपल्यावर 

फुगलेली खरपूस भाकर ||

पापुडयाची लालसा झाली  

पाहूनी तोंडाला सुटे पाणी

पण बोटांना वाफ लागली 

भरलं मन नुसतं पाहूनी ||

खलबत्त्यात ठेचा मिरचीचा 

कालवण करण्या भाजीचा

चुलीवरल्या भाकरीचा 

घास खातो समाधानाचा||

श्री रविंद्र लटिंगे ओझर्डे वाई

काव्य पुष्प-१७८

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com

फोटो सौजन्य फेसबुक