नवलाईची टेकडी काव्य पुष्प-१६७

🏞️ नवलाईची टेकडी ⛰️

    रायरेश्वराच्या डोंगररांगेतील 

उपशाखेवर पांडवगड ऊभा  

मांढरदेव घाटातील मालवाठारच्या 

टेकडीवर कातळात पक्षी जटायू ऊभा  ||

टेकडीच्या माथ्यावरील रुप कातळाचे 

माथ्यावरुन भासते रुप जटायूचे 

करवंदाच्या जाळ्या गवत पिवळे 

झाडावर बसून सिनरी न्याहाळे ||

आडबाजूच्या वाटनं जाती

नजरेत भरती डोंगर पाणी 

नयनरम्य परिसरात गुंजती 

पानांसवे वाऱ्याची गाणी ||

कांचन रोपटी सभोवती

सावलीत गप्पा झोडती 

भटकंतीची अनवट वाट 

तिथं भेटतो अद्भुत थाट||

श्री रविंद्र लटिंगे ओझर्डे वाई

काव्य पुष्प-१६६

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com

प्रतिक्रिया....

काळी मैनेचे पसरे जाळे ,

दगडधोंड्याचा डोंगरावरी l

निसर्गाच्या या आड वाटेवर,

मनासह आरोग्य प्रसन्न करी ll

सागर गजरे 

कराड