लालपरी एस.टी.काव्य पुष्प-१५८
लालपरी(एस. टी.बस)
२ जून वर्धापनदिन
आम जनतेचा जनरथ
कडे कपारी बस धावती
नोकरदारांचा दैनिक पथ
वाडीवस्तीवर बस पोचती |
मुलांच्या शिक्षणासाठी
मोफत सवलतीचा पास
मुलांचं शिकणं घडण्याला
प्रवासाचा रोजचा सहवास |
रस्ता तिथं लालपरीचा
खेडोपाडी चौफेर प्रवास
रातराणी ,जनतागाडी
सामान्यांची गाडी खास |
डाकगाडी दर्शनगाडी पार्सलगाडी
शिवनेरीत शिवशाही प्रवास
लाल रंगछटेच्या गाडीतला
मनात रुंजतो कॉलेजचा प्रवास|
एशियाड निमआराम सुपरगाडीचा
विनाथांबा आरामात प्रवास
सवलतीच्या सुखसोयीचा
मिळे गरजूंना सहवास |
शासकिय लाभार्थ्यांना
सवलतीचा एस.टी.पास
यात्राउत्सवाच्या काळात
एस टी चाच प्रवास खास |
प्रासंगिक कराराने सहल घडती
लालपरीत बसून गप्पांची मैफल रंगती
घाटाच्या वळणावळणाने धावती
निसर्गसौंदर्याची दृश्ये बघत प्रवासती|
श्री रविंद्र लटिंगे ओझर्डे वाई
काव्य पुष्प-१५८
खूपच समर्पक शब्दरचना👌
ReplyDelete