काव्य पुष्प-१७३,फुलपाखरु

     🦋 फुलपाखरु 

 फुलपाखरा सवे होऊया सान 

रंगबिरंगी पंख छान छान 

फुलांफुलावरती स्वच्छंदपण  

विहारती शोषायला मधूकण ||

 रुप सुंदर मोहक ते 

इवलेशे पंख फडकविते 

फुलावरी क्षणात बसते

पकडण्या मन अधिरते ||

तयाला धरण्या पळत जाणे 

क्षणात त्याचे भुर्रकन उडणे

स्वैर भरारीने मुक्त फिरणे

दुसऱ्या फुलाला बिलगणे||

क्षणात बसते क्षणात पळते 

मुक्तपणे सभोवती फिरते 

नाना छटेचे गोजिरे रुप ते 

फुलझाडे बघताना नजर वेधते||

फुलपाखरांचे मुक्त भिरभिरणं

मधकण टिपत मस्त जगणं  

स्वैर फिरण्याचा आनंद वाटणं

मनाच्या गाभाऱ्याला तृप्त करणं||

श्री रविंद्र लटिंगे ओझर्डे वाई

काव्य पुष्प-१७३

फोटो सौजन्य फेसबुक श्री दशरथ गायकवाड

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com