सूर्योदय काव्य पुष्प-१८४
सूर्योदय
सूर्यानारायणाच्या प्रतिक्षेची
आतुरता चराचराला लागती
पुर्वेला आकाशी गुलाल उधळीत
आगमनाची किरणे तेजोमय दिसती ||
नेत्रदीपक रंगाविष्काराची ढगांना झळाळी
शुभसमयी न्याहाळताना मोहिनी घालते
भगवी लालभडक मेघांची छटा
पाहता क्षणी भान हरपते||
रम्य दृश्य अवनिचे दिसती
वृक्षराजींचे डोंगर सजती
किलबिलाटाने घरटी सोडती
स्वैरपणे पाखरं संचारती||
उगवतीला पहा जरा
उदयाचा आसमानी नजारा
मैदानावरुनी दिसतो खरा
तनमनाला स्पर्शे वारा ||
श्री रविंद्र लटिंगे ओझर्डे वाई
काव्य पुष्प-१८४
Comments
Post a Comment