काव्य पुष्प -२२३ अवकाळी पाऊस
अवकाळी पाऊस
सूर्य डोक्यावरी असताना
आभाळात मेघ कडाडले
उन्हाच्या लाहीकाहिलीला
शिडकाव्याने गार केले|
वाऱ्याच्या तालावर नाचला
टपोऱ्या गारांसह वर्षावला
नांगरुन पलटलेल्या धरेला
तुषारांनी सिंपले मातीला|
सांजवेळी अचानक पडला
सोनेरी उन्हात तुषारला
मृदेचा सुगंध दरवळला
हवेत गारवा वाढला |
आज वाटले पडताना
मनीचा पुरवेल ध्यास
अचानक विरळताना
लावली ओढीची आस|
ओलंचिंब भिजायचं
सपान अधूरं राहिलं
वळिवाच्या ताश्याची
वाट बघाया लावलं |
काव्य पुष्प-२२३
२७ एप्रिल २०२१
छान रचना
ReplyDelete