फडातली कोप काव्य पुष्प-१७२

🎋🎋🎋🎋🎋🎋🎋

ऊसाच्या फडातली कोप

कारखान्याची धुराडी पेटली 

ऊसकामगारांची टोळी आली 

गावच्या बाहेर झोपड्या घातल्या 

भल्या सकाळी फडाकडे निघाल्या ||

फडातल्या उसाची कोप केली 

वाढ्याच्या पेंढीनं सावली धरली 

मायेने लेकरास्नी घरटं केलं

निरागस हास्य तोंडाव उमटलं||

धन्यासंग काबाडकष्ट करती 

मोळी बांधती,ऊस सोलती  

उन्हातान्हात राबराब राबती 

संसाराचा गाडा जोडीनं हाकती ||

शिवारात झोपड्या घालून राहणं

ऊसतोडणीचं काम करणं 

रोज नवं बांध धुंडाळित 

ऊसतोडीच काम करणं ||

भविष्य उद्याचं कसं घडावं

शिक्षण रोजगाराचं कोडं सुटावं

हाताला काम गरीबाला धन 

वंचिताला कृतीयुक्त शिक्षण||

श्री रविंद्र लटिंगे ओझर्डे वाई

काव्य पुष्प-१७२

फोटो साभार फेसबुक किरण पाटील

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com