सूर्योदय पाणलोट क्षेत्र काव्य पुष्प-१६८

🛶सूर्योदय पाणलोट क्षेत्र🛶

प्रभाते नारायणाची किरणे प्रकटली 

लालसर पिवळसर छटा आली 

शांत जलाशयाच्या बिलोरी आरश्यात 

डोंगराची प्रतिमा वलयांकित दिसली|

सकाळच्या नीरव प्रहरी    

दिसली डोंगरछबी भारी

आरस्पानी सौंदर्य जलाशयाचे 

दृश्य मनमोहक डोंगररांगांचे |

हिरव्यागार पालवीवर जलबिंदू सजले 

झाडाच्या डहाळीवर पक्षी बसले 

पक्ष्यांच्या किलबिलाटाने  

नजर वेधली  

जलावरुनी उडताना खगमाळ  दिसली|

स्वैर मुक्तपणे विहंगम संचार 

आकाशाच्या नजारा बहारदार

सभोवती दृश्यस्थळे फारच फार

बोटीतून केली सफर पार |

श्री रविंद्र लटिंगे ओझर्डे वाई

काव्य पुष्प-१६८

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com