LIFE STYLE

निसर्ग सौंदर्य  डोंगरपाडा  गगनी मेघांची दाटी  ढगांचं पुंजकं फिरती  झोंबणाऱ्या  गार वाऱ्याशी जलधारा बेंबळ करती || घनदाट जंगल डोंगरराणी   धरेची देखणी हिरवीपैठणी  सजली नव्या रुपात अवनी  ऊन पावसाचा मासश्रावणी || नुकतीच झालीय भात लावणी खाचरात साठलय चिखलपाणी  वारा,जलधारेची ऐकूया गाणी खंडीनं पिकूदे धानाच्या गोणी || कौलारू घरांची वाडी नजीकच शेती बाडी सोबतीला डोंगरदऱ्या स्वच्छ हवा वाटणाऱ्या|| श्री रविंद्र लटिंगे ओझर्डे वाई काव्य पुष्प ७६  यापूर्वीच्या कविता व लेख वाचण्यासाठी खालील ब्लाॅगला भेट द्यावी https://raviprema.blogspot.com

जलयुक्त शिवार निळ्याभोर आभाळी बघता  पिंजलेल्या कापसाचं ठिपके ढगांची मुक्तनक्षी शोभती  मधीच हिरवेगार झुबके || जल अन् नभाची छटा एकाच रंगात  दिसती  जलावर पांढरे ठिपके  मोत्यावाणी  चमकती|| सिमेंट बंधारा साठ्याला आडवी धरेची जलपातळी वाढवी शेतीपाण्याचं गणित सोडवी गावं सुजलाम सुफलाम घडवी|| पाणी आडवूया पाणी जिरवूया पाणलोट क्षेत्राचा विकास करुया पावसाचं पाणी गावातच साठवूया  तुफान आलया,तुफान आलया|| श्री रविंद्र लटिंगे ओझर्डे वाई काव्य पुष्प ७५  यापूर्वीच्या कविता व लेख वाचण्यासाठी खालील ब्लाॅगला भेट द्यावी  https://raviprema.blogspot.com

समतल चर डोंगर उतारावरची पडीक जमीन  चर काढण्या झाली संपादन उन्हाळ्याच्या दिवसात लोकांनी घाम गाळला  समतल चर खोदलं  पाणी साठवायला आकाश काळे भोर  मेघांची दाटीवाटी पावसाची बरसात  भिजली माती  समद्या रानी पाऊस पडला ओलीचिंब भिजली धरा   पाणी पाझरत प्रवाहिले   झिरपत  साठले चरा संधारणाचं काम झाले समतल चर भरले जमिनीत मुरले भूगर्भात साठले अशी ही किमया कष्टाने साधली  पाऊस जलाची  उंचावली पातळी श्री रविंद्र लटिंगे ओझर्डे वाई  काव्य पुष्प ७४ यापूर्वीच्या कविता व लेख वाचण्यासाठी खालील ब्लाॅगला भेट द्यावी https://raviprema.blogspot.com

पाणलोट क्षेत्र विकास   जलयुक्त शिवार  पावसाचं पाणी जमीनीत मुरायला पाण्याची पातळी भूगर्भात वाढवायला  वाटरकप स्पर्धेत सहभाग घेऊया  एकमेकांच्या साथीनं श्रमदान करुया  समतल चराची आखणी करुया  डोंगर उतारावर चर धरुया  कुणी खोदती,कुणी माती ओढती   समतल चर तयार करती शिक्षकांचे श्रमसंस्कार शिबीर  जलयुक्त शिवारासाठी श्रमदान करुया  पाणी अडवूया,पाणी जिरवूया गावाला पाण्यानं समृद्ध करुया काव्य पुष्प ७३

इकोफ्रेंडली आरास  गणपती बाप्पा मोरया  बाप्पा झाले विराजमान  गवताच्या कुटीत छान कळकाची नक्षीदार कमान  झावळ्यांच्या ठिपक्याची शान|| भिंती गवताच्या ताट्याची  बांधणी कळकाच्या कांबीची  छत वाळक्या गवताचे  पुढं सजले झाप नेच्याचे|| रानातल्या गवत काड्यानं सजवलीय सुंदर आरास  हस्तकलेची सुबक साज खेड्यातल्या घराचा भास|| कुटीवर शोभे भगवी पताका  ध्यास आपल्या अभिमानाचा  वैष्णव संप्रदाय प्रतिकाचा  गणपती उत्सव आनंदाचा || धमाल नाही पण उत्साह आहे मिरवणूक नाही पण शांतता आहे वाद्यांचा नाद नाही पण सूर आहे  सजावट नाही पण मदतीचा हातभार आहे || बाप्पा कोरोनाचे विघ्न दूर करा  हीच भक्तीभावाची विनंती तुजला  पूजन दर्शन आरती करायला  बाप्पाच्या उत्सवाला जन जमला || श्री रविंद्र लटिंगे ओझर्डे वाई  काव्य पुष्प ७२  सजावट श्री गणेश मंडळ गणेशवाडी कोंढावळे  मागील लेख व कविता वाचण्यासाठी खालील ब्लाॅगला भेट द्यावी https:// raviprema.blogspot.com

गणपती बाप्पा मोरया गणपती उत्सवाच्या हार्दिक शुभेच्छा!!  साठवणीतल्या आठवणी       गणपती उत्सवाची उत्सुकता असायची आनंद उत्साहाला भरती यायची आळीतल्या दोस्तांची मिटिंग घ्यायची  एक-दोन रुपयांनी वर्गणी मिळवायची || कुंभार काकांच्या घरी जावून मुर्ती ठरवायचो  डोक्यावर घेऊन चालत आणायचो   घरगुती साहित्यातून मंडप उभारायचो   साड्यांची आरास करायचो || पताका झुरमुळ्या कागदाच्या बनवायचो  वर्गणी न घेता शेजाऱ्याची लाईट  वापरायचो  वाद्यांच्या गजरात मिरवणूक काढायचो पुस्तकात बघत आरती म्हणायचो|| लाह्यांची खिरापत वाटायचो  रात्रीची नाट्यछटा  सादर करायचो नुसती धमाल मजा उडवायचो  हातगाडीवरुन मिरवणूक  काढायचो || गुलालाची उधळण करायचो डोक्याला रिबनी बांधायचो जोरजोरात नामघोष करायचो टेपच्या गाण्याव धमाल नाचायचो || गणपती बाप्पा मोरया.... श्री रविंद्र लटिंगे ओझर्डे वाई  काव्य पुष्प ७१ फोटो प्रतिकात्मक साभार श्रीराम गणेशोत्सव मंडळ, पाटीलवाडी कोंढावळे  यापूर्वीच्या कविता व लेख वाचण्यासाठी खालील ब्लाॅगला भेट द्यावी https:// ra...

गौरी,गणपती उत्सवाच्या हार्दिक शुभेच्छा!! सण गौराईचा  महिलांच्या आनंदाचा सण गौरींचे करुया अवाहन गौराईला सजवण्यात जाय  क्षणोक्षण  सुख शांतीचं लाभे समाधान  तीन दिस आनंदाला येत उधाण  कवतिकाच्या गाण्याचं होई गुणगाण पहिल्या दिवशी होई आगमन पूजेला लागतीय पत्री पान दुसऱ्या दिवशी गौरीपूजन महिलांच्या हर्षाचा उत्सवी सण  सरबराईच्या पदार्थांने सजले पान  घरोघरी हळदीकुंकवाला मिळे मान   गौराई  लक्ष्मी घेवूया  फेर धरूनी नाचूया महतीची गाणी गावूया आनंदाने निरोप देवूया श्री रविंद्र लटिंगे ओझर्डे वाई काव्य पुष्प ७०

गणपती उत्सवाच्या हार्दिक शुभेच्छा!! गणपती बाप्पा मोरया कार्यारंभी पूजती गजाननाला आनंद उत्साहाच्या बाप्पाला  वाजत गाजत मिरवणुकीला वाद्यांचा सूर कानी पडला | पानाफुलांनी तबक सजले  अगरबत्तीचा सुगंध दरवळे सुवासिक अत्तर शिंपडले तोरणझालरींनी मंडप सजले | घरोघरी गणपती आले नामस्मरणाचे घोष झाले  टाळांच्या गजरात आले  मखरात विराजमान झाले | टाळीचा ठेका आरतीला धरला   विनवूया संकट विमोचकाला  येऊ दे उधाण हर्षआनंदाला सुखसमाधान लाभो मनाला | जीवनाला दे आकार  मानवतेचा दे उकार  मनशांतीचा दे मकार स्वप्ने कर साकार | धमाल उत्साह कमी झाला  तरी मनोभावे पुजूया बाप्पाला कोरोना विघ्न दूर करण्याचं  गाऱ्हाणं घालूया गणेशाला | श्री रविंद्र लटिंगे ओझर्डे वाई काव्य पुष्प ६९

सर्वांना गणपती उत्सवाच्या हार्दिक शुभेच्छा!!! गणपती बाप्पा मोरया ओवाळणी करत  गाऊ तुझी आरती तुच आहेस समद्या शुभकार्याचा सारथी | जाणूया पोलिस,डॉक्टर,नर्स स्वच्छतारक्षकांच्या सेवेची महती  अभिमानाने कोरोना फायटरशी  जोडूया सामाजिक नातीगोती | सार्वजनिक सोहळ्यात विराजतो जाणीव जागृतीचे उपक्रम राबवितो  सामाजिक चळवळ रुजवितो  दानधर्म ,आरोग्यशिबीरं भरवितो| भक्तगण श्रद्धेने पूजतात    लेझीमचे खेळ खेळतात तुतारींचा नाद घुमवितो वाद्यांचा गजर  कडाडतो | तूच कर्ता आणि करविता आनंद, सुखसमृद्धीचा दाता बंद होवू दे कोरोनाची वार्ता तू आहेस सुखकर्ता दुःखहर्ता | श्री रविंद्र लटिंगे ओझर्डे वाई काव्य पुष्प ६८ बाप्पाची मूर्ती क्रांतिसिंह नाना पाटील गणेशोत्सव मंडळ ओझर्डे वाई  फोटो सौजन्य श्याम विजय तांगडे

सर्वांना गणपती उत्सवाच्या हार्दिक शुभेच्छा!!!        गणपती बाप्पा मोरया सर्वांना गणपती उत्सवाच्या हार्दिक शुभेच्छा!!!        गणपती बाप्पा मोरया हे गणनायका... ऊर्जा तू प्रकाश तू  मंगल मूर्ती तू किर्तीवंत तू  उत्साह तू आनंद तू  अधिपती तू विघ्नहर्ता तू  हे गजानना ... वरद तू विनायक तू  ध्यास तू श्र्वास तू कर्तासि तू धर्तासि तू दाता तू ज्ञाता तू  हे मोरया... सत्य तू  सुंदर तू  मंगल तू पवित्र तू नृत्य तू  ताल तू  गीत तू संगीत तू  हे मोरेश्वरा... भक्ती तू श्रद्धा तू निसर्ग तू धरा तू  बुध्दी तू सिध्दी तू  चेतना तू तेज तू  गणपती बाप्पा मोरया  मंगल मुर्ती मोरया  तुझ्या कृपेने जीवनचक्र  बदलू दे बाप्पा  कोरोनाचे विघ्न घालव  रे बाप्पा !!! काव्यपुष्प ६७

☘️❄️☘️❄️☘️❄️☘️❄️ माझी भटकंती भाग क्रमांक-१११ धार्मिक तीर्थक्षेत्र सहल सन २००० चौथा दिवस        🔆माहूरगड🔆    निसर्गरम्य परिसरात पर्यटन निवासस्थान होते.सकाळी लवकर उठून आवराआवर करुन माहुरगडावरील श्री रेणुकामातेच्या मंदिराकडे निघालो.महाराष्ट्रातील साडेतीन शक्तिपीठांपैकी एक शक्तिपीठ म्हणून लौकिक असलेले देेवस्थाान आहे.हे मूळ व जागृत शक्तीपीठ आहे.चहुबाजूंनी डोंगररांगा आणि जंगल अशा निसर्गाच्या सानिध्यात माहुरगडावर हे मंदिर आहे.पौराणिक आणि प्राचीन मंदिर असून श्री परशुरामाची माता म्हणूनही श्री रेणुका माता देवीला ओळखले जाते.ही माता काही परिवाराची कुलदेवता आहे.या गडावर श्री दत्तात्रेय यांचा जन्म झाला अशी भाविकांची श्रद्धा आहे.या गडावर श्री रेणुकामाता मंदीर, दत्तात्रेय मंदिर, श्री परशुराम मंदिर  आणि माहूरगड (रामगड) इत्यादी प्रेक्षणिय  स्थळे आहेत.     माहूर म्हणजे"आईचे हृदय "असलेले ठिकाण.श्री रेणुकामाता मंदीर कमलमुखी आकाराचे आहे.मंदिर यादव कालीन असून जिर्णोद्धार केल्याचा उल्लेख मुख्य दरवाजाच्यावर आढळतो.या देवीच्या अनेक आख्यायिका आहेत.मंदिराचे सभामंड...

  रांजणकुंड (खळगे) नदीच्या पात्रात  प्रवाहित धार  कातळ खडकाची  सहनशीलता फार | पाण्याच्या  संतत वेगाने झीजला कातळ गोलखोल साकार होतोय नवाविष्कार  कुंड रांजणखळग्यांचे अनमोल | कातळकुंड दिसते भारी  पाणी फिरते विभोर कातळाची नक्षी बघूनी  आनंदला मनीचा मोर | नवलाईचे कातळशिल्प  कुकडी नदीच्या पात्रात  गुळगुळीत कातळ खळगे नजर वेधूनी घेतात | कातळ ऐलतीरी पैलतीर मळगंगा मातेचे मंदिर भौगोलिक प्राकृतिक खुणा कातळाचा आविष्कार देखणा | श्री रविंद्र लटिंगे ओझर्डे वाई काव्य पुष्प ६६

☘️🛕☘️🛕☘️🛕☘️🛕 माझी भटकंती भाग क्रमांक--११० धार्मिक तीर्थक्षेत्र सहल सन २०००तिसरा दिवस 🔆 नांदेड व औंढा नागनाथ 🔆 💫〰️💫〰️💫〰️💫〰️   बारा ज्योतिर्लिंग शिवमंदिरापैकी एक हिंगोली जिल्ह्यातील औंढा नागनाथ येथील शिवमंदिर.हिंदू धर्मियांचे पवित्र तीर्थक्षेत्र. बालाघाट पर्वत रांगेच्या कुशीत वसलेले मराठवाड्यातील प्रसिध्द प्राचीन काळातील मंदिर आहे.प्राचीन काळातील दारुकावन नावाचा प्रदेश होता.मंदिर आवारात छोटी छोटी १२ ज्योतिर्लिंग शिवमंदिरे आहेत.मंदिरावर शिल्पकलेचे उत्कृष्ट कोरीव काम केलेले आहे.उतरत्या कंगोऱ्यांनी चौथऱ्यावर हेमाडपंती पध्दतीचे वास्तूशिल्प आहे.मंदिरा सभोवती तटबंदी असून त्याला चार प्रवेशद्वारे आहेत.मंदिराच्या आतील भागात वर्तुळाकार मंडप ८ खांबांनी तोलून धरला आहे.या खांबावर नक्षीकामात विविध शिल्पे चितारलेली आहेत.नटराज, कैलास पर्वत,अर्धनारीनटेश्वर इत्यादी आहेत.छत घुमटाकार असून अष्टकोनी कलाकुसरयुक्त आहे.मंदिराच्या गर्भागृहात ओणवे होऊन जावं लागतं.तिथं शिवलिंग भूमिगत आहे.तिथं जाऊन मनोभावे दर्शन घेतले.मानसिक समाधान लाभले.मंडपात येऊन थोडावेळ शांतपणे बसलो. नंदीच्या ऐवजी नंदिश्वराचे...

काव्य पुष्प ६५        सागरकिनारा  कातळाचा खडकाळ किनारा  नयनरम्य विशाल सागराचा कड्यांचा लांबट अर्धगोल  पायऱ्यांचा मार्ग प्रदक्षिणेचा  फेसाळत्या लाटा खडकावर आपटती  जलतरंगाच्या लहरींचे  तुषार सिंचती लाटांच्या तडाख्याने कातळ घासती  लाटांच्या गाजेचा  नाद उमटती रोमहर्षक दृश्य पाहूनी   अंग शहारते लाटांच्या शिंपण्याने तन भिजते  जल लहरींचे रुप  सतत बदलते   किनाऱ्याची खासियत  अनुभवातून कळते श्री रविंद्र लटिंगे ओझर्डे वाई ठिकाण  प्रदक्षिणा तीर्थ  (हरिहरेश्वर) यापूर्वीच्या कविता व लेख वाचण्यासाठी खालील ब्लाॅगला भेट द्यावी https://raviprema.blogspot.com

☘️🛕☘️🛕☘️🛕☘️🛕 माझी भटकंती भाग क्रमांक--१०९ धार्मिक तीर्थक्षेत्र सहल सन २०००तिसरा दिवस 🔆 परळी वैजनाथ  🔆 💫〰️💫〰️💫〰️💫 लातुरमध्ये सकाळी लवकर नित्यक्रमे उरकून सगळेजण बीड जिल्ह्यातील परळी वैजनाथला निघालो.लातूर ते परळी अंतर ६५ किमी आहे. सकाळच्या प्रहरी शांत वातावरणात प्रवास सुरू होता.वाटेतच एका धाब्यावर नाष्टा व चहापान उरकले. साडेनऊच्या सुमारास मंदिर परिसरात पोहोचलो.     परळी वैजनाथ येथील महादेव  मंदिर १२ ज्योतिर्लिंगापैकी एक आहे.ते प्राचीन असून जागृत देवस्थानआहे.मराठवाड्यातील प्रसिध्द धार्मिक तीर्थक्षेत्र आणि पर्यटन स्थळ आहे. पुण्यश्लोक माता अहिल्याबाई होळकरांनी यांनी मंदिराचा जिर्णोद्धार केलेला आहे.मंदिराच्या तिन्ही दिशेला प्रवेशद्वारे आहेत. मंदिराकडे जाण्यासाठी लांबवर पायऱ्या आहेत. सभामंडप व गाभारा एकाच पातळीत आहे.   गाभाऱ्यावर कलात्मक नक्षीकाम केलेले आहे. मंडपातुनही देवदर्शन होते.गर्दी कमी असल्याने लगेच दर्शन झाले. गाभाऱ्यातील पिंडीचे मनोभावे दर्शन घेतल्यावर समाधान वाटले.ओम नमो शिवाय , हर हर महादेव या नामस्मरणाचा जयघोष ऐकू आल्यावर आम्हीही त्यांच्या सादाला स...

जागतिक फोटोग्राफी दिनाच्या हार्दिक शुभेच्छा !! ❄️ सांज ❄️ नयनरम्य दृश्य तिन्हीसांजेचे प्रतिबिंब उमटले सोनेरी प्रकाशाचे  विहंगम दर्शन शेततळ्याचे  जीवन अमृत पीकांचे ❗ कष्टाच्या घामाची धरा खोदकामाने बनवले तळे त्यात बरसती जलधारा . फुलतील फळाफुलांचे मळे ❗ तांबूस सोनेरी रंग छटेने  गुलालाने माखले आकाश  चराचरातील जीवांना मिळतो  तेजोमय चेतनेचा प्रकाश ❗ श्री रविंद्र लटिंगे ओझर्डे वाई काव्य पुष्प ६४ फोटो साभार श्री गणेश तांबे सर

माझी भटकंती भाग क्रमांक-१०८ धार्मिक तीर्थक्षेत्र सहल सन२००० दुसरा दिवस तुळजापूर      सोलापूरात आल्यावर गाडीत डिझेल भरले.पंपाशेजारील टपरीवर चहा घेतला आणि तुळजापूरला निघालो.श्रीमंत छत्रपती शिवाजी महाराजांना स्वराज्य स्थापनेसाठी आशिर्वाद देणारी कुलदेवता श्री भवानी देवी,महाराष्ट्राची कुलस्वामिनी श्री तुळजाभवानी माता हिंदू भाविकांचे श्रद्धास्थान, शक्तीभक्तीचे महनमंगल स्त्रोत असणारं शक्तीपीठ म्हणून लौकिक असलेल्या तुळजापूरला पोहोचलो.तदनंतर मंदिराकडे निघालो. राजे शहाजी महाद्वारावरील भगवा ध्वज आपले लक्ष वेधून घेतो.इतिहासाच्या पाऊलखुणा इथं स्पष्ट दिसतात.महाद्वारातून आत मध्ये मंदिराकडे निघालो. काही पायऱ्या उतरून गेल्यावर महाद्वार लागते.त्यावर कोरलेली शिल्पे हेमाडपंथी आहेत.त्यापुढे कल्लोळ तीर्थ, गोमुख तीर्थ लागते.इथं हातपाय धुतले.आणि पुढं निघालो.पुढे अमृतकुंड लागले.तदनंतर निंबाळकर दरवाजा ओलांडून आत गेले की मंदिराच्या कळसाचे दर्शन होते.दर्शनी बाजूला होमकुंड असून त्यावर शिखर बांधलेले आहे.मंदिराचा सभामंडप सोळा खांबी असून पश्र्चिमेला गाभारा आहे.इतिहास आणि पुरातत्त्वीय दृष्टीने हे...

कोकणातली शेतीभाती  डोंगर उतारावर वसली  भात वरी नाचणी लावली  तृणपात्यांनी खाचरं बहरली   नेहमीची झाडं बांधावर तृणमित्रांची  वाट बघतात   बदलतं पीक दरसाल   तरी संग हसत नाचतात गर्द हिरव्यागार रानी  झाडांची तोरणं लटकली  श्रावणातल्या उनपावसानी पीकं,तरुवेली झळाळली श्री रविंद्र लटिंगे ओझर्डे वाई  काव्य पुष्प ६३

⚡☘️⚡☘️⚡☘️⚡ माझी भटकंती   भाग क्रमांक १०७  धार्मिक तिर्थक्षेत्र सहल सन २००० दुसरा दिवस    🛕गाणगापूर🛕  ➖➖➖➖➖➖➖➖ पहाटेच्या भक्तीमय  शांत वातावरणात मंदिरातील  आरतीचे सुर कानावर आल्याने जागं आली.सर्वांची आवराआवर  सुरू झाली. जसंजसं आवरेल  तसं ते मंदिरात देवदर्शनाला जात होते.सगळ्यांचे देवदर्शन झाल्यावर आम्ही गाणगापूरकडे निघालो. खिडकीतून येणारी थंडगार हवा छान लागत होती. अक्कलकोट पासून गाणगापूर दोन तासांचा प्रवेश होता. दत्त संप्रदायाचे पवित्र धार्मिक स्थळ म्हणून गाणगापूरचा लौकिक आहे.आम्ही साडेआठ नऊच्या सुमारास गाणगापूरला पोहचलो.नेमाडे दाजी म्हणाले, 'आपण प्रथम संगम बघायला जावू आणि मग मठात जाऊया.'त्याप्रमाणे  संगमावर आलो.भीमा आणि अमरजा या दोन नंद्यांच्या संगमावरील पवित्र ठिकाण. तिथं जाऊन हातपाय स्वच्छ धुतले आणि निर्गून पादुका मठात आलो.श्री दत्त महाराजांचा दिव्य अवतार श्री नृसिंह सरस्वती यांच्या वास्तव्याने पावन झालेली पवित्र भूमी.इथं निर्गुण मठ, संगमेश्वर मंदिर,औंदुंबर वृक्ष आणि कल्लेश्वर मुक्तीधाम आहे.इथं अष्टतीर्थे आहेत. त्रिमुर्ती दत्ताची बैठक...

🥀☘️🥀☘️🥀☘️🥀☘️     माझी भटकंती भाग क्रमांक-१०४        सन २००५           श्री क्षेत्र  मार्लेश्वर    〰️🌱〰️🌱〰️🌱〰️🌱  कुटुंबियआणि नातेवाइकांसह आम्ही कोकण ,गोवा ते म्हैसूर अशी ट्रीप आयोजित केली होती.ओझर्डेहून आम्ही सकाळी लवकरच कराडला पोहोचलो.तिथं मावशीकडे जेवण केले.आमच्याबरोबर आता मावशी, मामा,पपू, गणेश हे सहभागी झाले.आम्ही हायवे सोडून उंडाळे रस्त्याने घोगाव,कोकरुड करत शाहूवाडीला पोहोचलो.तदनंतर आंबा घाटातून निनावे करत करत मार्लेश्वर कडे निघालो होतो.    सह्याद्रीची विलोभनीय दृश्येच दृश्ये आपणास भटकंतीसाठी खुणावत असतात.सह्याद्रीची ऐश्वर्यसंपदा गड,किल्ले, आकाशाला गवसणी घालणारे उत्तुंग कडे सरळसोट सुळके, घनदाट अरण्याने व्यापलेल्या दऱ्या व पठारं, पायपीट करत दूर नेहणाऱ्या जंगलवाटा , कड्यावरुन वाहणारे धबधबे आणि डोंगराच्या कुशीत,कड्यात  असणारी स्वयंभू तीर्थक्षेत्रे,अशी एकसोएक सौंदर्य स्थळे पाहून मनीचा मोर आनंदाने फुलून जातो.काही काळ निसर्गरम्य परिसरात नीरव शांततेत आणि स्वच्छ हवेत थकवा पळून जातो.ताजेतवा...

   माझी भटकंती  धार्मिक सहल  सन २००० पहिला दिवस  भाग क्रमांक १०६     पंढरपूर व अक्कलकोट  उनाची ताप चांगलीच जाणवत होती  त्यामुळे उन्हाच्या झळ्या बसत होत्या.तरी तसाच प्रवास चालला होता.पुढं पुढं तर ऊन वाढतच होतं.तरी तसच आम्ही पंढरपूरला पोहोचलो.चंद्रभागेच्या भल्यामोठ्या तीरावर गाडी पार्क केली.चालत चालत विठूरायाच्या , पंढरीच्या पांडुरंगाचे दर्शन घेण्यासाठी भक्तिभावाने निघालो. पंढरपूर श्री विठ्ठल आणि श्री रुक्मिणी माता यांचे पवित्र धार्मिक तीर्थक्षेत्र,दक्षिण काशी म्हणून लौकिक आहे.वैष्णव भाविकांचे आराध्य दैवत पंढरीचा  पांडुरंग.हे शहर चंद्रभागा (भीमा) नदीच्या काठावर आहे.आषाढी कार्तिकी एकादशीला वारकरी संप्रदायातील भाविकांचा मेळा जमतो.भक्तांच्या मांदियाळीने ,टाळमृदुंगाच्या गजराने,हरीच्या नामस्मरणाने अवघी पंढरी नगरी भक्तीरसात न्हाऊन निघते.अमाप उत्साह आणि ऊर्जेची "पंढरीची वारी " अनेक संतांच्या दिंड्या विठूरायाला भेटायला पायवारीत येतात.ह्रदयात असणाऱ्या पंढरीच्या पांडुरंगाचे दर्शन घेण्यासाठी मंदिराकडे जाताना पंढरीची वारी नजरेसमोर येते.दर्शन रांगेत गर...

🌧️⛈️पावसाळा⛈️🌧️ आजच्या संततधारेने  पावसाळा वाटला वाऱ्याच्या वेगाने पाऊस कोसळला || गरजेच्या क्षणी  अमृत शिंपले शिवार हसलं चैतन्य आले || आकसलेला पाऊस  आज कोसळला  भिजली वसुधा  मोदहर्ष झाला||   पाठीच्या रट्टयाला   शाबासकी समजूया  रान शिवार भिजवलं त्याची कृपा धरुया...||  कुंद हवा गार गार वारा  झोंबू लागला अंगाशी  आज पावसानं भिजवलं गारवा सजला मनाशी || श्री रविंद्र लटिंगे ओझर्डे वाई  👆दिनांक ४ व ५ आॅगस्ट २०२० चा पाऊस

वनदुर्ग कमळगड  कोळेश्वर डोंगरावर  रुबाबदार गड  वनराईच्या दाटीत  दिसतोय गड पायथ्याने चढू कातळवाट  पेडा,नाकाडाणं माथ्यावरी ओहळ,धबधबे बघत  चंद्रकोरीत भटकंती करी अवघड चढणवाटेने  कड्याकपारीवर जावू   झाडातल्या जंगलवाटेने कड्याला वळसा घालू   सौंदर्य न्याहाळत  कड्यावर जावू  वरुनी सभोवती पाहू  निसर्ग मनात साठवू  भटकंतीने वनदुर्ग   बघणं झाले दुर्गम भागाचे  जनजीवन कळले श्री रविंद्र लटिंगे ओझर्डे वाई काव्य पुष्प ६१

☘️🛕☘️🛕☘️🛕☘️🛕   माझी भटकंती    भाग क्रमांक -१०५     नागपूर अधिवेशन धार्मिक  सहल    सन २००० पहिला दिवस पूर्वरंग पुसेगाव व गोंदवले  〰️➖〰️➖〰️➖〰️➖  प्राथमिक शिक्षक संघाचे दैवत आदरणीय श्री शिवाजीराव पाटील आण्णा यांनी नागपूर येथे त्रैवार्षिक अधिवेशन आयोजित केले होते.या अधिवेशनाला माझ्या ओझर्डे गावातील शिक्षक मित्रांच्या समवेत अधिवेशनाला जायचं निश्चित झाले.यावेळी जोडीजोडीने पत्नीपतीसह जायचं पक्कं झालं.मग धार्मिक तीर्थक्षेत्री देवदर्शन करत करतजाऊयात असा विचार होता.मगपुसेगाव मार्गे,सोलापूर,तुळजापूर, लातूर ,बीड,परभणी,हिंगोली,माहूर करुन नागपूर अधिवेशनाला जाऊया . परतीचा प्रवास अमरावती, बुलढाणा, अजिंठा, देवगिरी,शिर्डी ,शनिशिंगणापूर करून शिरूर आणि मोरगाव मार्गे घरी असं नियोजन झालं. साधारणपणे फेब्रुवारी महिना असावा.गावातीलच श्री सुनील नेमाडे दाजींची गाडी फायनल केली.त्यामुळे त्यांच्या सौ सुनिता नेमाडे मॅडम तयार झाल्या.श्री रामचंद्र पिसाळ गुरुजी,सौ प्रभावती पिसाळ बाई,श्री हणमंत कुंभार,सौ जिजा कुंभार मॅडम,श्री राजेन्द्र जाधव सर,सौ निर्मला जाध...

स्वातंत्र्यदिनाच्या हार्दिक शुभेच्छा❗ भारताच्या स्वातंत्र्यासाठी धगधगल्या समिधा बलिदानाची आहुती दिली स्वातंत्र्याच्या अग्नीकुंडा गुलामगिरीच्या जोखाडाच्या शृंखलेतून मुक्त केले भारताला हौतात्म्य अर्पून  गौरवशाली जाज्वल्याचा देशाभिमान गाऊ त्यांच्या त्याग अन् शौर्याचे गुणगान  जहाल मवाळ मतवादी  क्रांतिकारी सत्याग्रही  पुरोगामी सुधारणावादी  स्वातंत्र्य मिळविण्या आग्रही  तेरा रंगदे बसंती चोला गात कुर्बानी  देणाऱ्या भगतसिंह राजगुरू आणि सुखदेव यांना सलाम  क्रांतिची मशाल तेवत ठेवणाऱ्या क्रांतिकारकांना सलाम  स्वातंत्र्याच्या ध्येयाने झपाटलेल्या भूमिगत चळवळीतील समस्त कार्यकर्त्यांना सलाम  सत्याग्रह,स्वदेशी,चलेजाव चळवळीतील समस्त महापुरुषांना सलाम  स्वातंत्र्याचा रणसंग्रामात मर्दूमकी गाजवणाऱ्या सैनिकांना सलाम  देशभक्तीने सीमेवर रक्षण करणाऱ्या समस्त वीरजवानांना सलाम  भारतमातेच्या सपूतांचे गुणगान गाणाऱ्या  लोकशाहिर व लोककलाकारांना सलाम... शेतशिवारात अन्नधान्य पिकविणाऱ्या समस्त किसानांना सलाम.... जय जवान जय किसान जय विज्ञान.... स्वातं...

निसर्गरम्य परिसर जलाशय दिसे आरश्यासवे डोंगराचे खुलले रुप नवे हिरव्यागार प्रतिबिंबाची छाया  सजतेय जलावर मोह माया|| डोंगरांच्या कुशीतली  गावं झाडीत दडली  जलाशयाच्या सभोवताली शिवारं पिकांनी फुलली|| जल करी समृद्ध जीवन  तृष्णा भागवी चराचरांची  जलसंपदेचा संचय करून  गरज भागवी भविष्याची || श्री रविंद्र लटिंगे ओझर्डे वाई काव्य पुष्प ५९ यापूर्वीच्या कविता व लेख वाचण्यासाठी खालील ब्लाॅगला भेट द्यावी.https://raviprema.blogspot.com

पायथ्याचं शिवार  उंच झाडी बांधावरी शिवारात तोरण धरी  गर्द हिरवी भातशेती  तृणमूल पाती झळकती  हिरव्यावर लाल छटा  लालचुटुक फुलांची नक्षी झुडूपाच्या  पान काड्यांनी   सजवलीय रांगोळी साक्षी  डोंगराच्या पायथ्याचं देखणं रुप शिवाराचं  खाचराच्या दाटीचं कृषी अन्नदात्याचं श्री रविंद्र लटिंगे ओझर्डे वाई काव्यपुष्प ५८

☘️🔆☘️🔆☘️🔆☘️🔆☘️ माझी भटकंती       भाग क्रमांक            🛕  सांगली,नरसोबाचीवाडी व प्रवास  🛕           सन २००८ ⚡⚡⚡☘️⚡⚡⚡ सर्व शिक्षा अभियानांतर्गत राज्यातील गटसमन्वयक,साधनव्यक्ती आणि केंद्र समन्वयक आणि इतर साधनव्यक्तींचे राज्यस्तरीय अधिवेशन न्याय मागण्यांसाठी सांगली येथे आयोजित केले होते.यास्तव वाई तालुक्यातील प्रतिनिधी म्हणून आम्ही अधिवेशनाला जायचं निश्चित झाल्यावर मी आणि श्री डी.एम.पोळ ,श्री शेखर जाधव,श्री अरविंद चोरट,श्री बाळकृष्ण पंडीत,सौ शोभा पंडित,सौ प्रेमा लटिंगे असे वाईतून सांगलीकडे ओमनी गाडीतून रवाना झालो.वाई ते सांगली १६०किमीचे अंतर म्हणजे चार एक तासांचा प्रवास होता. प्रवासात सर्व शिक्षा अभियान आणि अधिवेशन यावर चर्चा करत गप्पा मारत प्रवास चालला होता. सकाळी अकराच्या दरम्यान आम्ही चौकशी करत अधिवेशन स्थळी पोहोचलो.बऱ्यापैकी साधनव्यक्तींची वर्दळ दिसत होती.छोटेखानी सोहळा सुरू होता.राज्य कार्यकारिणीच्या न्याय मागण्यावर वक्ते विचार मंथन करत होते.राज्याच्या कार्यकारिणीची निवड घोषणा करण्यात आली....

गोपाळकाला सर्वांना दहीहंडी उत्सवाच्या हार्दिक शुभेच्छा ... गोविंदा आला नाचत आला  इमले रचायला  हंडी फोडायला अमाप उत्साहाचा थरार करण्याचा  एकीच्या बळाचा  आनंद लुटण्याचा  खेळ बघायला सारे जमले   उनपावसाची धमाल चाले कान्हा गोविंदा थरावरी गेले हंडीचं मटकं हाताने फोडले तालावर बेभान थिरकली सद्विचाराची हंडी फोडली चैतन्य ऊर्जा मिळवली  दहीहंडी साजरी झाली श्री रविंद्र लटिंगे ओझर्डे वाई काव्य पुष्प ५७

    धबधब्याची नदी जल दुधाळधवल  कड्यातून  धावती  प्रवाहीत पाण्याची  सलगधार दिसती  कातळावर पडून   तुषार मोती उडती  काठाच्या गवतावर थेंबाड थेंबे पडती  काळे जलद वर्षावती  माथ्यावर कोसळती  कड्यावरुन धावती त्याचे धबधबे दिसती वसुंधरा साठवती ओतप्रोत होती  जल उताराला  पाझरत जाती  ओंजळीने झऱ्यात जमती सफेद जल वेगेप्रवाहिती ओहळ,ओढे वाहती त्या संगमाने नदीमाय बनती  नदीमाय प्रवाहिता पिकविती शेतीभाती जीवनवाहिनी बनती कल्याणकारीनी होती|

९ ऑगस्ट क्रांती दिन  विनम्र अभिवादन  ९ ऑगस्ट क्रांती दिन  विनम्र अभिवादन  भारताच्या स्वातंत्र्यलढ्यात आत्माहुती देणारे पलिते सर्वस्वाचा त्याग करणारे  तेजस्वी क्रांतिकारक नेते    पेटविले यज्ञाचे अग्निकुंड   देहाची समिधा अर्पून ब्रिटिशांच्या फौजेला सोडले  सळोकीपळो करुन  तयांचे हौतात्म्य स्मरुया त्यागाची आहुती आठवूया क्रांतीची ज्योत पेटवूया  शौर्यास प्रणाम करुया स्वातंत्र्यलढ्यातील शौर्याला  अभिवादन करुया देशाभिमानी क्रांतिकारकांना वंदन करुया काव्य पुष्प ५५

     वृक्षारोपण रोपटं फळांचं लावूया माती घालून,आळं करुया त्याची निगा राखूया  त्याच्याशी गप्पा मारुया || खाचरात भातशेती पाणी उली दिसती रोप डुले वाऱ्यावर  पावसाची आली सर | शेतंभाताची रानं हिरवीगार  दऱ्याखोरं मैदानं हिरवेगार  लाल लाल  वाटेची माती जपूया आपली नातीगोती | रोपं लावू या,काळजी घेऊ या संवर्धन करुन,झाडं बघू या धरतीला झाडांनी  सजवूया  पर्यावरणाचे तोरण बांधूया| श्री रविंद्र लटिंगे ओझर्डे वाई काव्य पुष्प ५४ यापूर्वीच्या कविता व लेख वाचण्यासाठी खालील ब्लाॅगला भेट द्यावी.https://raviprema.blogspot.com

☘️रानफुल☘️ पावसाने भिजवली धरणी  बीजांकुरणाने रोपे तरारली प्रकाश ,जल आणि वाऱ्याने  हसत नाचत संवर्धित झाली || पानापानात शोभतो फुलोरा नाजूक छटेचा निळापांढरा  जसा अंगठीतला माणिकहिरा  गर्दहिरवीगार शोभे  वसुंधरा || सरावणातील निसर्ग शोभा  फुल झाडोऱ्यात सजली  छोट्यामोठ्या पर्णांची रांगोळी   विलोभनीय दृश्यात बहारली||  श्री रविंद्र लटिंगे ओझर्डे वाई

माझं ज्ञानमंदिर 🏦 डोंगराच्या पायथ्याशी निसर्ग सौंदर्याची कुशी गडकोट दिसे सभोवरी भातशेतीची खाचरं शिवारी || दोन राऊळे समोरासमोर एक ज्ञानाचा सागर  दुसरे शक्तीचे आगर  मिळे मांगल्याचे सार || हिरवाईने सजलेलं मैदान आभाळीहिरवी छटा छान  अभ्यागतांचे करण्या आगत बोलक्याभिंतीकरती स्वागत || हसती,खेळती नाचती गाती अक्षरलेण्यांचे धडे घेती  प्रयोगशील कृतीतून शिकती  आनंददायी अनुभव घेती || श्री रविंद्र लटिंगे ओझर्डे वाई 

💧 पाऊसपाणी💧 अंबरी ढग दाटून आले काजळी घन निनादले  बक्कळ बरसल्या धारा ओलीचिंब भिजली धरा❗ धबधबे कड्याखाली आदळले ओढेनाले वेगे धावत सुटले   खाचरातील माती लोण्यावाणी  सजले रे पाय मेंदीवाणी ❗ वापसा आला पेरा करा कामं उरकू आळी पाळी शेतावर पाभार धरु बैलं  जुंपू शिवाळी❗ पाभार शिवारी चाले फण रेघोटी ओढे भलरी साद घाले  चाडं बीज सोडे ❗ श्री रविंद्र लटिंगे ओझर्डे, वाई मागील लेख व कविता वाचण्यासाठी खालील ब्लाॅगला भेट द्यावी. htpps://raviprema.blogspot.com

☘️💎☘️💎☘️💎☘️ पर्यटनप्रेमी शिक्षकमित्राचे कौतुक 🥀🌹              आमचे शिक्षक मित्र श्री रविंद्रकुमार(दादा) गणपत लटिंगे ओझर्डे ता.वाई यांनी लॉकडाउनच्या काळात मिळालेल्या वेळेचा सदुपयोग करून आत्तापर्यंत केलेल्या सहली,भटकंती आणि प्रवासातील अनुभवाचे स्वत:च्या शब्दात शब्दांकन केले.त्याकाळातील समर्पक  फोटोंची साथ मिळाल्याने लेखाचा आलेख उंचावला. प्रवासातील स्वानुभवांची लेखात मांडणी केली.अभिव्यक्त होऊन छंद जोपासण्याचा यशस्वी प्रयत्न केला. त्यांनी सारे लेखन "माझी भटकंती ,साठवणीतल्या आठवणी" या साजेशा शिर्षकाने दररोज क्रमशःएक भागया क्रमाने दिनांक १४ एप्रिल २०२०पासून सलगपणे फेसबुक, व्हाटसअप ग्रुप आणि ब्लाॅगवर प्रसिध्द केले.त्याचे शंभर भाग पूर्ण केले.ही भटकंती त्यांनी कुटूंब,मित्र,विद्यार्थी यांच्या समवेत केली. त्यांच्या भटकंतीची वैशिष्ट्ये म्हणजे त्यांनी निसर्गरम्य सह्याद्रीच्या डोंगररांगा,कडे, गडकोट, जंगलवाटा,धार्मिक स्थळे आणि पर्यटन स्थळास भेटी देऊन त्यांनी तेथील सांस्कृतिक आणि सामाजिक जीवनाचा अभ्यासही केला आहे.अफलातून प्रवासवर्णने सरांनी आपल्या सिद्धहस्तल...