शेतीचा हंगाम काव्य पुष्प-१६३

🌿🌱🌴🌿🌱🌴🌿

       सुगी(हंगाम)
    
आभाळ भरले
   मेघ दाटले
वारा सुटला
पाऊस आला|

थेंब टिपकले
मोती झाले
जमीन भिजली
कुळवणी केली|

गंध दरवळला
वापसा आला
बीजपेरा केला
पाऊस आला|

बीज अंकुरले
शिवार फुलले
कोळपणी झाली
खुरपणी केली|

 धारा नाचू लागली
 फुलोऱ्यात पिकं आली
 सुगंध दरवळला
शेतकरी आनंदला|

मशागती केली
संजीवनी दिली
 घाम गळला
धरेला मिळाला|

 पाखरांचे फिरणे
फुलपाखरांचे भ्रमणे
परागसिंचन झाले
शिवार फुलले|

  शेंगा दिसती
 दाणे पोसती
  शेंगा भरती
सोनेरी दिसती|

सुगीला सुरुवात झाली
काढणीला रोजगारी केला
एकाएकी वारा सुटला
हवेत बदल झाला|

आभाळ गरजले
नभ कोसळले
धोपटवणी पडले
तळे साचले|

पीक भिजले
काही नासले
खराब झाले
उन् पडले|

उरलेले काढले
वाळवले रचले
राखनी केली
मळणी केली|

पाखडणी केली
वाळवणं केली
रास लागली
पूजा केली|

कणगीत भरले

गर्जेपुरते ठेवले
बाजारी धान नेले
घेेेवाऱ्याला विकले|

धान्याचा पैका मिळाला
उदरनिर्वाहाला वापरला
सलाम करुया अन्नदात्याला
त्याच्या काबाडकष्टाला |

विदारक परिस्थितीची सत्य कथा

आशयघन शब्दात गुंफली व्यथा  

शेतकऱ्यांच्या घामाची गाथा 

तिथं नमितो माझा माथा|

श्री रविंद्र लटिंगे ओझर्डे वाई

काव्य पुष्प-१६३

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com

फोटो सौजन्य--गुगल