काव्य पुष्प- २४३ धबधबा

          धबधबे

कड्यातून धबधबे वाहती

दुधाळ जलधारा कोसळती

दुग्धाभिषेक कातळाला करती

तेव्हा दुधाळ फवारे उडती||

जलधारा उसळती कड्यावरी

साखरनळ्या नजरेत भरी

सृष्टी नटली रुपात भरजरी

जलप्रपाताचे कोंदण भारी ||

कोसळती उंच कड्यातून 

सफेद दुधाळ जलधारा|

धबधबे घालती लोटांगण 

अन् तुषार उसळवी वारा|

उसळत्या जलधारा कड्याखाली 

शुभ्र फवारे वाऱ्या संग उंडारी  

गतीने उतरती पायथ्याखाली 

जलप्रपाताचे सौंदर्य दिसे भारी ||

पानापानातून थेंब झरती

वसुंधरेला चिंब भिजविती

डोंगरमाथी प्रवाह ओघळती 

कड्यातून खाली कोसळती||