निसर्ग सौंदर्य शेंबडी सूर्यास्त ७

                           🔅🔅🔅🔅🔅🔆

      सूर्यास्त

 

   चैतन्य देवून अस्ताला जातोय
                      नव्या स्वप्नांना घेऊन येतोय|
सोनेरी किरणे चोहीकडे
                     वाऱ्याची झुळूक सगळीकडे||
आसमंतातील तांबूस छटा
                           बिंबीत झाली जलावरी|
भंडारा  उधळला आकाशी
                            नजारा  दिसतोय भारी||

  या दृश्याने तणावाचे काहूर पुसले
                       आनंदाचे  गाणे  उमजले|
          हवा जल अन् प्रकाश
                        हेच जीवनाचे आकाश ||

झाडोऱ्याची शिल्प नक्षी 

            पाण्याव शोभतेय  पक्षी

सुखद गारवा रम्य सांजेचा 

         आनंदाने नाचेल मोर मनीचा ||

श्री रविंद्र लटिंगे ओझर्डे वाई
https://raviprema.blogspot.com


प्रतिक्रिया

फोटोतील नजारा आणि कवितेतील शब्दफुलोरा
 सगळंच लय भारी,लटिंगे सर!🌹👌
श्री महादेव भोकरे सर खटाव