माझं दैवत काव्य पुष्प २०८
🥀माझं दैवत🥀
(आई वडील)
काबाडकष्ट करून
आम्हाला वाढवलं
शेतात घाम गाळून
आम्हाला घडवलं ||
आमचे बालहट्ट
स्वता:चे मन मारुन पुरवले
स्वत: मेहनत करून
आम्हाला संस्कारीत केले ||
कष्टानं जगण्याची
शिकवण दिली
खऱ्यानं वागण्याची
सवय लावली ||
समाधानी वृत्ती
विकसित केली
निस्वार्थी सेवेची
उर्मी निर्माण केली ||
मायेचा आधार
कष्टाची भाकर
जीवनाचे सार
मांगल्याचे घर ||
आमची सावली
कृपाळू माऊली
आजारपणात धावली
आण्णा-आई माऊली||
तुमच्या मायेची ऊब
आम्हाला सतत लाभली
तुमच्या आधाराची सावली
आम्हाला सदैव मिळाली||
आमच्या झोळीत पडलं
इतरांना सहकार्याचे दान
आम्हाला सुसंस्कारित केलं
याचा आहे अभिमान||
श्री रविंद्र लटिंगे ओझर्डे वाई
काव्य पुष्प-२०८
Comments
Post a Comment