आनंदाचे हास्य कविता ८७

        आनंदाचे हास्य 

पारंपरिक फुगडीच्या खेळानं      

आनंदाच्या उकळ्या फुटल्या

 रंगात आलेल्या फुगडीनं 

नव्या हास्यसाजात नटल्या|

बाईंच्या फुगडीचे चकार वाढले 

मुलामुलींचे कुतूहल प्रगटले  

निरागस आनंद चेहऱ्यावर झळकले 

मुलांच्या ओठी हास्य उमटले |

झिम्मा फुगडी आनंदाचे खेळ

लय अन् ठेक्याचा जमतोय मेळ 

लोकगीतांचा सजतोय मेळा

श्रावण मासात उत्साहाने खेळा |

बाईंच्या फुगडीने नजर वेधती 

मुले-मुली हास्याने दाद देती 

मुलींच्या मनात विचार दाटती 

बाई माझ्या संग कधी खेळती |

श्री रविंद्र लटिंगे ओझर्डे वाई

काव्य पुष्प ८६ 

यापूर्वीच्या कविता व लेख वाचण्यासाठी खालील ब्लाॅगला भेट द्यावी

https://raviprema.blogspot.com

फोटो साभार गुगल प्रतिकात्मक चित्र