जीवनवाहिनी कृष्णामाई कविता १०१

⛈️जीवनवाहिनी कृष्णामाई🌧️

चार दिवस संततधार पावसाने 

मुसळधार फलंदाजी केली 

धरण क्षेत्रात पाणीच पाणी करून

जलाशयाने सीमारेषा गाठली  ||

श्रावणातल्या सरी कोसळल्या

ओढे नाले नद्या प्रवाहित झाल्या 

पाझर तलाव बंधारे ओसंडले 

जनजीवन विस्कळित झाले||

धोम धरणातल्या विसर्गाने 

पपूर आलाय कृष्णातिरी 

अवखळ झाली कृष्णामाई 

पाऊस पडतोय सरीवर सरी ||

अचूक वेळी पडल्याने 

पीकांना बहार आली 

जमीनीत पातळी वाढली

जलाची साठवण झाली||

श्री रविंद्र लटिंगे ओझर्डे वाई

काव्य पुष्प १०१

रचना दिनांक १७आॅगस्ट २०२०

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com