बाल आनंद मेळावा कविता ८६

बाल आनंद मेळावा

🥰🍭🍬🍫🥳

बालकांच्या कलेचा  मेळा

सगळ्यापरी आहे  निराळा

मनी त्यांच्या मोद हर्ष रुजावा

हाच खरा आनंदाचा सोहळा ||

वेगवेगळ्या पदार्थांची दुकानदारी

खाऊसाठी गर्दी खवय्यांची सारी

मनोरंजक खेळांची मेजवानी 

धमाल मजेची आनंदगाणी||

आनंदाला आले उधाण 

 टीम जमली फारच छान

नृत्य बसवलं चित्रफित पाहून 

सरावाची तालीम नाच करुन ||

मुलांना संधी मिळाली 

कला सादर करण्याची 

बहारदार अदा दिलखेचक

लयबद्ध नाच मनमोहक||

नवरी नटली सुपारी फुटली 

या गाण्याव पावलं थिरकली

भंडारा उधळला आकाशी

अन् लगीन लागलं बानूशी ||

नृत्याने ठेका धरायला लावला

टाळ्यांचा गजर वाजायला लागला 

रसिकांनी उत्स्फूर्त कडकडाट केला 

वन्स मोअरचा ठेका सुरू झाला||

श्री रविंद्र लटिंगे ओझर्डे वाई 

काव्य पुष्प ८६

यापूर्वीच्या कविता व लेख वाचण्यासाठी खालील ब्लाॅगला भेट द्यावी

https://raviprema.blogspot.com