विहीरीचे सौंदर्य कविता ८९

🔆विहीरीचे सौंदर्य🔆

कलाकुसरीचे संगमरवरी चिरे 

नक्षीदार जाळीदार खांब बहरे 

पाच इमली आखीवरेखीव सदरे 

कोरीव कामाचे सौंदर्य न्यारे ||

रेखीव पायऱ्या नक्षीदार

विहीरीतलं जल थंडगार 

अद्भुत कलेचा आविष्कार 

नजरेत भरले कलेचे द्वार ||

लौकिक जागतिक वारसा स्थळाचा 

बहारदार नजारा राणी विहीरीचा 

उत्तम नमुना वास्तूकलेचा 

ऐतिहासिक ऐश्र्वर्य संपन्नतेचा||

वास्तू बघताना देहभान हरपले 

कुतूहलाने न्याहाळले नक्षीचे इमले   

नयनरम्य दृश्ये कॅमेऱ्याने टिपले

वास्तूशैलीचे कवतिक केले||

श्री रविंद्र लटिंगे ओझर्डे वाई

काव्य पुष्प ८९

यापूर्वीच्या कविता व लेख वाचण्यासाठी खालील ब्लाॅगला भेट द्यावी

https://raviprema.blogspot.com