पिवळाई कविता ९९

पिवळाई 

हिरव्यागार गवत फुलात 

सोनकी ,बरका बहरली 

पिवळ्या धमक फुलोऱ्याने

अचूक नजर वेधली  ||

हळद कुंकू लेवूनी सजली

साज शृंगारात अवनी नटली

सुंदरतेची बहार आली 

सोनदुलई झळकू लागली ||

पितांबरी शालू भरजरी 

रुप साजिरे लयभारी 

नाजूक कोमल रानफुले

भंडाऱ्याची तळी उधळे||

फुलपाखरं मुक्त विहरती

फुलांसमे पिंगा घालती 

 हसती खेळती नाचती

मस्ती करती वाऱ्यासंगती||

श्री रविंद्र लटिंगे ओझर्डे वाई

काव्य पुष्प ९९

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com