निसर्ग नेकलेस रोड कविता ८८
🛣️नेकलेस रोड🛣️
गोलाकार वळणाची वाट
मस्तच शोभतोय थाट
सुंदर नजारा घाटाचा
निसर्गाच्या आभूषणाचा ||
सह्यगिरीच्या रांगांचे
निसर्ग सौंदर्य मनोहारी
डोंगरकडे खुणावती
रानवाटा नजरेत भरी||
हिरव्यागार जंगलझाडीला
तृणपात्यांची संगत लाभते
वाऱ्याच्या मंद झुळूकीने
बासरीची गुंज कानी येते ||
दळणवळणाची वाट
पायथा माथा सांधते
निसर्गाच्या सहवासाची
मनी भूरळ घालते||
श्री रविंद्र लटिंगे ओझर्डे वाई
काव्य पुष्प ८८
Comments
Post a Comment