पावसाचं आक्रंदन कविता १०४
पावसाचं आक्रंदन
रात्रंदिन पाऊस कोसळला
रानशिवारात बेभान पडला
ओढे दुथडी भरून वाहिले
आवेगाने पाणी रस्त्यावर उतरले||
सडकेवरुन वाहू लागले
वाढल्याने मार्ग बदलू लागले
वाहतुकीला विराम आले
दोन्ही कडे थांबावे लागले ||
पूरस्थिती निर्माण झाली
पाण्याच्या वेगाने झाडं वाकली
रस्त्यावर लालभडक पाणी आले
पावसानं धरतीवर आक्रंदन केले||
गाडी चालक
तुमच्या धारिष्ट्याला सलाम
तुमच्या अंदाजाला प्रणाम
तुमच्या सारथ्याला सलाम
तुमच्या माणुसकीला सलाम ||
श्री रविंद्र लटिंगे ओझर्डे वाई
काव्य पुष्प १०४
फोटो गेल्यावर्षीचा आहे.
Comments
Post a Comment