नयनरम्य निसर्गातील गाव कविता ८५

नयनरम्य निसर्गातील गाव

धवल आकाशी मेघ दाटले

डोंगररांगेला धुक्याने वेढले 

नभ माथ्याला भेटायला आले

निसर्गाचं न्यार  रूप बहरले ||

टेकडीवरच्या मखमली गवतानं

हिरवेगार दिसती गालिचे 

पावलं हळुवार पडती अलगद

सिंचन होतेय जलधारांचे ||

गर्द फिक्कट हिरव्या छटा 

धूसर दिसतायत घरांच्या वाटा

पायथ्याला घरांची दाटीवाटी

लाल पांढऱ्या रंगाची ठळक दाटी ||

चहुबाजूच्या  छटा हिरव्यागार 

पाऊसधारांचे दृश्य बहारदार

झाडांच्या तोरणांनी वाडी सजली 

नव्या साजात चमकू लागली ||

श्री रविंद्र लटिंगे ओझर्डे वाई

काव्य पुष्प ८५ 

यापूर्वीच्या कविता व लेख वाचण्यासाठी खालील ब्लाॅगला भेट द्यावी

https://raviprema.blogspot.com