सांजचा सागर कविता ७७

सांजचा सागर 

 सोनेरी बिंब दिनकराचे

ढगात पसरले रंग हळदीचे

धवल रेषांच्या आकाशाचे 

जादूई दृश्य दिसे सांजचे ||

नयनरम्य नजारा समिंदराचा 

प्रवाहित जलतरंग लहरींचा 

 रुबाब देखणा दर्याचा 

 भान हरपून बघण्याचा ||

बघताना मन मयूर होते 

आनंदाने फुलून नाचते

अंबर सागराचे अतूट नाते

रमणीय दृश्यांना येते भरते||

आजचं दृश्य उद्याची  

सुखद आठवण होते 

निसर्गाचे वैविध्य दर्शन 

आनंदाचं उधाण आणते ||

श्री रविंद्र लटिंगे ओझर्डे वाई

काव्य पुष्प ७७

यापूर्वीच्या कविता व लेख वाचण्यासाठी खालील ब्लाॅगला भेट द्यावी htpps://raviprema.blogspot.com