काव्य पुष्प २१५ भावपूर्ण श्रद्धांजली शहीद वीर

           

भावपूर्ण आदरांजली !

शहीद वीर सोमनाथ तांगडे

तुझ्या शौर्याला साश्रुनयनांनी निरोप

तिरंगा लपेटून तु जन्मभुमीत आला 

पराक्रमाने तिरंग्यास अभिमान वाटला

तांगडे (जगताप) परिवाराचा लाडला

सवंगडी मित्रांचा तु सखा दिलवाला||

मातृभूमीच्या सुपूताला मानवंदना करायला 

शौर्याचा गौरवशाली पराक्रम पहायला 

 समदा भावविवश स्नेहीपरिवार लोटला

अखेरचा साश्रुनयनांनी निरोप द्यायला||

ओझर्ड्याची माती आज पावन झाली

 देशाच्या रक्षणासाठी कामी आली 

शर्थिने झुंज देऊनही प्राणज्योत मालवली

तुझ्या पराक्रमाची शौर्य गाथा झाली||

शहीद वीर झालेल्या मातेच्या बाळा

मित्र,गावकरी नातेवाईक झाले गोळा 

तुझ्या शौर्याभिमानाचा सोहळा बघायला 

आदरांजली अर्पूणी तुझे गोडवे गायला ||

आई वडिल बंधूंवर आभाळ कोसळलं

पत्नीच्या आक्रोशाने मन हेलावलं 

मुलींचे निरागस चेहरं आरक्त झालं

तुझं जाणं बहिणींच्या जिव्हारी लागलं||

तरुणांना दिली तू देशभक्तीची प्रेरणा 

सदैव चिरंतन स्मृती राहतील जनमना

कृष्णामाई नदीचे तट,अन् डोंगर कडे

तुझ्या शौर्याचे गुणगान गातील पोवाडे ||