काव्य पुष्प २१३ गुढीपाडवा
नववर्षाच्या आणि चैत्र गुढीपाडव्याच्या हार्दिक शुभेच्छा!
गुढीपाडवा
नववर्षाच्या सण हा आला
प्रारंभ करु गुढीउभारायला
सुरक्षेची काळजी घेऊन
आरोग्याची गुढी उभारुया|
चाफ्याची फुले,पालवी लिंबाची
कलश तांब्याचा, पैठणी रेशमाची
नव्या वेळूला गाठी साखरेची
सात्त्विक लहरीने पूजनाची|
पुरणपोळीचा नैवेद्य अर्पूया
उंबरठ्यालगत गुढी उभारुया
रांगोळीने अंगण सजवूया
नववर्षाचे स्वागत करुया |
नवविचारांनी स्वप्ने पाहूया
नवसंकल्पाची आस धरुया
सुखसमृद्धीची गुढी उभारुया
पाडव्याचा आनंद वाढवूया|
नात्यांची वीण घट्ट करुया
मैत्रीचा परीघ विस्तारुया
कडूगोड प्रसाद खाऊया
नववर्षाचे स्वागत करुया|
ही गुढी एकतेची समतेची
आनंदमोदहर्ष समृध्दीची
आश्वासक विश्वासाची
मांगल्याच्या भावनेची|
आगमन वसंतॠतूचे
नवी पालवी फुटण्याचे
प्रसन्नतेच्या चैतन्याचे
नवसर्जनाच्या उन्मेषाचे |
श्री रविंद्र लटिंगे ओझर्डे वाई
Comments
Post a Comment