थाटमाट मिसळीचा काव्य पुष्प-१९२

थाटमाट मिसळीचा

भारीच थाट राऊ मिसळीचा

पितळेच्या भांड्यात वाढण्याचा

आदराने पाहुणचार करण्याचा

पुरातनपण खुलविण्याचा ❗

कुरकुरीत पोहे खमंग शेवपापडी 

दिमतीला नाजुकशी दह्याची वाटी 

लज्जत वाढवायला तळलेला पापड

कट रस्स्यासह कांद्याची वाटी❗ 

मटकी वाटाणा बटाट्याचा 

रस्सा झणझणीत तर्रीचा  

एकदा तरी चाखायला जावा 

रस्सा बारा गावच्या मिसळींचा❗

लुसलुशीत मऊ मऊ पाव

गप्पांगणात मिसळ मारतेय भाव

गोड चाखायला जिलेबीचं कडं

मिसळीच्या प्रकारांचे मिळत्यात धडं❗

शेतातल्या भात्याणाची नक्षी बघत 

शोभिवंत हॉटेलचा फेरफटका मारु

मराठमोळ्या अल्पोपहाराची खवैयेगिरी 

मनमुरादपणे क्षुधाशांती  करु❗

श्री रविंद्र लटिंगे ओझर्डे वाई

काव्य पुष्प-१९२

यापूर्वीच्या कविता व लेख वाचण्यासाठी खालील ब्लाॅगला भेट द्यावी.

https://raviprema.blogspot.com