माझी भटकंती रायरेश्वर सहल भाग क्र.चार

-

माझी भटकंती भाग-चार

   माझी भटकंती भाग-चार
माझी भटकंती भाग-चार




⛰️🌴माझी भटकंती⛰️🌴

      ✒️क्रमश:भाग चार

⛰️२५ वर्षांपूर्वीची वाशिवली    केंद्रसमुहाची रायरेश्वर पदभ्रमंती.......
       सन १९९५-९६ चा काळ
〰️➖〰️➖〰️➖〰️➖
       
⛰️⛰️आपल्या परिसरातील किल्ले तेथील ऐतिहासिक प्रसंग , रायरेश्वर मंदिर, तेथील लोकांचे राहणीमान,जंगलवाटा, आजूबाजूचा परिसर , गडावरील विविध ठिकाणं यांच्या प्रत्यक्ष प्रत्यक्ष भेटीतून इतिहासातील घटना व  प्रसंगाचे अवलोकन करता यावे .त्या काळातील गडकोटांचे महत्त्व समजावे या उदात्त हेतूने  तत्कालीन केंद्रप्रमुख श्री गुलाबराव गायकवाड  व रवींद्र लटिंगे यांच्या कल्पनेतून वाशिवली केंद्रसमुहातील सर्व विद्यार्थी व शिक्षकांची छत्रपती शिवाजी महाराजांनी स्वराज्याची शपथ घेतलेल्या रायरेश्वरगडावर आयोजित केली होती....
सह्याद्रीच्या डोंगररांगांचे कुतूहलच भारी.काळापहाड,अवघड चढण तीव्र उतार व गर्द झाडीत लपलेली पायवाट..सारं काही मनाचा थकवा घालवून शारीरिक क्षमता ओळखायला लावणारा रांगड्या मातीचा वतनवारसा..त्यावेळी गडावर जाण्यासाठी खावली घेराकेंजळ, जांभळी व जांभळी पुलाच्या ठिकाणाहून पायथ्या पासून शिड्यांपर्यत डोंगर चढून जावे लागे.हल्ली ग्रामसडक योजनेमुळे खावली मंदिरा पासून घेराकेंजळ,पाकिरेवस्ती ते सातारा व पुणे जिल्ह्याच्या सीमेवर असणाऱ्या  ओहळी गावापर्यंत पर्यंत रस्ता झाल्याने..घाटातून वर माथ्यावर आल्यावर गाडीवाटेने पायऱ्या पर्यत सहज जाता येते...लोखंडी शिड्या चढल्याकी आपण रायरेश्वर गडावर जातो.
      त्यावेळी आजच्या इतक्या सुखसोयी नव्हत्या...शिड्यांचढून  माथ्यावर आलो.  सगळीकडेदिसणाऱ्या सह्याद्रीच्या  डोंगररांगांची ओळख प्रत्येक शाळेतील शिक्षक  मुलांना करून देत होते.
  तो पहा कमळगड,त्याच्यापुढे तो नवरानवरीचा डोंगर, रायरेश्वराच्या समोरील  केंजळगड,वाशिवली डोंगर रांग,भोर खोरे,धोम धरण ,पाकिरेवस्ती,कोंढावळे मुरा, भोरच्या बाजूच्या डोंगररांगा . पायवाटेने चालत  गायमुखावर आलो.त्याची माहिती गायकवाड साहेबांनी दिली.रायरेश्वर मंदिरात देवदर्शन केले रयतेचे राजे श्रीमंत छत्रपती शिवाजी महाराजांच्या जीवनातील स्वराज्याची शपथ या अविस्मरणीय  प्रसंगावर मुलांशी चर्चा केली. गडाचे ऐतिहासिक महत्त्व सांगितले.छत्रपती शिवाजी महाराज ....की जय ! हर हर महादेव ! अशा घोषणा करून ऐतिहासिक वातावरण निर्माण केले.तदनंतर तिथेच असणाऱ्या झाडाखाली बसून सर्वांनी भोजन घेतले.  मंदिरापासून  १ किमी वरील छोटेखानी  गुहा पाहून परतीचा प्रवास सुरू केला...
         या सहलीत माडगणी, तुपेवाडी,वासोळे,कोंढावळे, देवरुखवाडी,वाशिवली ,किरोंडे, जांभळी,पाराटवस्ती व वडवली शाळा सहभागी झाल्या होत्या.
    विशेष म्हणजे तत्कालीन गटशिक्षणाधिकारी श्रीमती प्रभावती चव्हाण मॅडम,श्री एम.के.वाशिवले विस्तार अधिकारी व केंद्रप्रमुख सहभागी झाले होते..
   आमचे शिक्षक सहकारी श्री बाळकृष्ण पंडीत सर व इतर सहकारी शिक्षकांनी स्वहस्ते बनविलेल्या मसालेभाताचा आस्वाद सर्वांनी घेतला होता.......
त्या जेवणाची अवीट गोडी
     अशा या  पदभ्रमंतीच्या  आठवणींना उजाळा त्यावेळच्या बातमी व फोटोने दिला.
〰️〰️〰️〰️〰️〰️〰️〰️
  क्रमश:भाग चार
दिनांक १५ एप्रिल २०२०

      ✒️श्री रविंद्र लटिंगे ओझर्डे वाई

Comments

Popular posts from this blog

Comments

Post a Comment

Popular posts from this blog

राजपत्रित अधिकारी वैष्णवी ढोकळे

-
Image
    ग्रामीण भागातील कुमारी वैष्णवी सुजाता विजय  ढोकळेची यशाची बिरुदमाला — पहिल्याच प्रयत्नात ‘राजपत्रित अधिकारी’ पदावर निवड....       परिश्रम, सातत्य आणि जिद्दीच्या जोरावर कुमारी वैष्णवी विजय ढोकळे यांनी महाराष्ट्र राज्य सेवा स्पर्धा परीक्षेत पहिल्याच प्रयत्नात यशाची सुवर्णकीर्ती मिळवत  सहाय्यक राज्यकर आयुक्त वर्ग -१ या पदी नियुक्ती झाली. त्यांच्या या अभिमानास्पद यशामुळे ओझर्डे परिसरात आनंदाचे वातावरण पसरले आहे.  वैष्णवीचे प्राथमिक शिक्षण ओझर्डे ता.वाई येथील जिल्हा परिषदेचे प्राथमिक शाळेत झाले असून दहावीपर्यंतचे शिक्षण पतितपावन विद्यामंदिर,ओझर्डे येथे पूर्ण केले.प्राथमिक आणि माध्यमिक शिष्यवृत्ती परीक्षेतही ती  जिल्हा गुणवत्ता यादीत झळकली होती. पुढील इयत्ता ११ वी व १२ वीचे शिक्षण कलासागर अकॅडमी वाई येथे घेतले तर उच्च शिक्षणातील पदवी तिने सांगली येथील नामांकित वालचंद अभियांत्रिकी महाविद्यालयात बी.टेक (कंप्युटर सायन्स) मध्ये पदवी प्राप्त केली.     घरची आर्थिक परिस्थिती सामान्य असतानाही वडील एस.टी. डेपो वाई येथे मेकॅनिक म्हणून काम करत अ...
Read more

कविता आनंदाची शाळा

-
Image
              आनंदाची शाळा  गावाचा अभिमान आमचा अभिमान  सातारा जिल्हा परिषदेची शाळा  आनंदी वातावरणात आनंद पेरणारी  सातारा जिल्हा परिषदेची शाळा |१|  ज्ञान विज्ञान कला आणि क्रीडा  कृतियुक्त शिक्षणाचा फुलवूया मळा सातारा जिल्हा परिषदेच्या शाळेत  शिकायला बाळांना लावूया लळा|२| सर्वांगीण व्यक्तिमत्व विकासासाठी  केंद्र ते जिल्हास्तरीय विविध स्पर्धा  कलाविष्काराला बालआनंद मेळा केंद्र ते जिल्हास्तरीय क्रीडा स्पर्धा |३| अभिव्यक्तीला वाव आनंददायी शनिवारी  अभ्यास सहलींतून भटकंतीची वारी विविध स्पर्धा परीक्षांचा पॅटर्न सातारी   जिल्हा परिषदेची शाळाच लय भारी |४| अवांतर गोष्टींची पुस्तकं वाचून  परिचयाची वाचनउत्सवात संधी  बालसाहित्य,ईबुक्स वाचनाच्या  आवडीने विद्यार्थी बनतील छंदी |५| शाळेच्या परसबागेत फुलतो  भाजीपाल्याचा फळांचा बहार  शारीरिक तंदुरुस्तीला त्रिस्तरीय  सकस स्वादिष्ट पोषण आहार  |६| नाविन्यपूर्ण विज्ञान केंद्रात  कृतीयुक्त अध्ययनअनुभव   गुणवत्ता संवर्ध...
Read more

सेवापुर्ती सोहळा सौ.नलिनी जाधव मुख्याध्यापिका प्राथ.शाळा.व्याजवाडी

-
Image
  व्याजवाडी केंद्र समूहाच्या मुख्याध्यापिका सौ.नलिनी जाधव यांच्या सेवा गौरव समारंभात धान्य व वही तुलादान आणि उपस्थितांचे स्वागत फुलझाडांचे रोपटे देऊन केले.या नाविन्यपूर्ण उपक्रमाचे कौतुक उपस्थितांनी केले.   जाधव बाईंचे पिताश्री रघुनाथ कदम,पहिले शिक्षक सहकारी सेवानिवृत्त केंद्रप्रमुख श्री.बा.की. गायकवाड, सेवानिवृत्त मुख्याध्यापिका गायकवाड मॅडम,सेवानिवृत्त केंद्रप्रमुख सौ. विजया कांबळे , सेवानिवृत्त शिक्षण विस्तार अधिकारी सौ.नकुसा देशमुख मॅडम, श्रीमती रोहिणी निकम मॅडम, श्री विलास पोळ आणि पती श्रीमान भानुदास जाधव यांच्या शुभहस्ते सरस्वती पूजन आणि दीपप्रज्वलन करून झाला.यावेळी सुपुत्र श्री.रोहीत आणि संकेत, सूना मीनल व सौजन्या आणि नातवंडे यांच्या शुभहस्ते जाधवबाईंची धान्य,गुळ आणि वही तुला केली. श्री बाबूराव गायकवाड,श्री प्रदीप फरांदे, श्री नारायण शिंदे,सौ.शारदा शिंदे सौ.मुक्ता शिंदे,सौ ज्योती नेमाडे,सौ.ललिता गायकवाड मॅडम आणि स्नुषा सौ मीनल जाधव यांनी गौरवपर मनोगते व्यक्त करत शुभेच्छा दिल्या. तदनंतर वाई तालुका शिक्षक मित्र परिवाराच्या वतीने शैक्षणिक कार्याच्या गौरवार्थ ‘मानपत्र’ देऊन...
Read more