LIFE STYLE

निसर्गाचा आविष्कार गंमतीदार एक निष्पर्ण तर एक पालवीदार  एक पानगळीनं भुंड  तर एकावर फुलांची झुंबरं

नक्षीदार बहारदार वेली वृक्षाच्या संगतीनं गुंतली जाळीदार नक्षीत सजली पाहूनी नयने हरखली 

कुंद हवा गारेगार वारा झोंबू लागला अंगाशी पावसानं आज भिजवलं गारवा सजला मनाशी...

बांधावरची स्नेहाची झाडं तृणमित्रांची वाट बघतात पाऊस वाऱ्याच्या सोबतीनं त्यांच्याशी मैत्री साकारतात.....

निळ्याभोर आभाळी दिसती  पिंजलेल्या कापसाचे ठिपके | जलतरंगावर नक्षी शोभते ताऱ्यांचे चमकती झुमके|

हिरव्या भरजरी पर्णिकांत  वाजतात थेंबांचे पडघम प्रवाहतात ओढे ओहळ उमटते सूरांची सरगम|

  कोसळधारा घोंगावत्या वेगवान वाऱ्याने काजळी ढग बेसुमार फुटले   आकसलेल्या आषाढ मेघाने  धोधाट्याने तुफान झोडपले  थुई थुई रिमझिम पाऊसधार मुसळधार कोसळधार झाली फुटले बांध पाण्याच्या ओझ्यानं शेती माती ताली वाहून गेली धुवाॅंधार पावसाने चौफेर  फटकेबाजी सुरू केली नदीनाली दुथडी भरून  ओसंडून वाहू लागली  नदीकाठची गावं झाली जलमय   ऊखडले रस्ते घरांच्या पडझडी संततधारेने  दळणवळण ठप्प  पडली झाडं कोसळल्या दरडी दिनांक २२ जुलै२०२१

    अतिवृष्टीने मन भयभीत झालं पावसाच्या आक्रंदाने  मन भयभीत झाले सैरावैरा पाण्याचे लोंढे  पायथ्याला भिडले | जीवनच भुईसपाट केले घरे जनावरं उध्दवस्त झाले काळाने झडप घातली संसार उघड्यावर पडले| अतिवृष्टीने पायथ्याच्या वस्त्या  दरडीखाली गडप झाल्या  सगळीकडे हाहाकार उडाला आसवांच्या आक्रोशधारा झाल्या |   शेतीभाती वाहून गेली सुन्न मनं बेचिराख घरं कालचा धुवांधार पाऊसाने काळजाला पडले चरं| पावसाचा हवाहवासा चेहरामोहरा  आता नकोसा वाटू लागला धुवाॅंधार  आकांडतांडव करून  हृदयाला मात्र तीव्र चटका दिला| हे विधात्या पाऊसराजा  आता रणकंदन थांबव  रौद्ररूपातील विदारक खेळ  आता तरी थांबव|

कोसळणाऱ्या ढगफुटीने  काळजावर घाव घातला सगळीकडे हाहाकार उडाला कैकांचा संसार उघड्यावर पडला पावसाच्या हव्याश्या वाटणाऱ्या सरी   आता रणकंदन करु लागल्या आकांडतांडव करत धुवाॅंधारी कोसळधारी पाहता डोळ्यांतून अश्रूधारा वाहत्या झाल्या

गुरुने दिला ज्ञानरुपी वसा,आम्ही चालवू हा पुढे वारसा.... सर्वांना गुरुपौर्णिमेच्या हार्दिक शुभेच्छा!        गुरुपौर्णिमा आयुष्याच्या वळणावर  ज्यांनी आम्हा ज्ञान दिले मनाच्या सद्चिंतनासाठी  सद्गुणांचे विचार पेरले... विश्वास अन् उमेदीनं  आकांक्षांना बळ दिलं  पाठीवरती थाप टाकून  आम्हां लढायला शिकवलं .... अनुभवाची शिदोरी देवून  कलाविष्काराची संधी दिली विश्वासाने आत्मप्रेरणा देवून   नवनिर्मितीची प्रशंसा केली.... निसर्ग, मातापिता, ग्रंथ हेच गुरु सखा,वेळ अन् कामच महागुरु हेची आपले पथदर्शक सदगुरु  तयाला मनोभावे वंदन करु.... श्री रवींद्रकुमार गणपत लटिंगे ओझर्डे वाई दिनांक २२ जुलै२०२१

सण उत्सव मराठमोळा साजरा करुया बैलपोळा मिरवत नेहूया राऊळा सर्जाराजाला ओवाळा

सर्वांना बेंदूर (बैलपोळा) सणाच्या हार्दिक शुभेच्छा!             बेंदूर   सण आनंदाचा क्षण कृतज्ञतेचा आज हाय सण बेंदूर पशुधनाचा कृषी संस्कृतीच्या स्वस्तिकाचा मिरवणूकीत मान सर्जा राजाचा | बैलांप्रती कृतज्ञता व्यक्त   करण्याचा बेंदूर सणं पूजा करून फेडती  तुझ्या उपकाराचं देनं| रंगबिरंगी शोभिवंत गोंडे झुली शेंब्या बाशिंग चाळ  शिंगांना चमकती बेगिड  गळ्यात वाजे घुंगरमाळ| सण आहे मराठमोळा  साजरा करा बैलपोळा मिरवत नेहूया राऊळा  सर्जाराजाला ओवाळा|

जलधारा वारा झेलत हात राबती भिजलेल्या मातीत नांगर हाकती शेतात कुळवणी चिखलणी करती लीलाई आज्जी माय घाम गाळती

तुझ्या अपार कष्टानं बहरते सारी भुई तुझ्या ऋणातून कसा होऊ सांग उतराई||

        गजर हरीचा गजर भक्तीचा  मेघांची वारी,आषाढ सरी | पंढरीची वारी, माझी वारी  | नभ उतरले माथ्यावरी पांघरली दुलई ढगांनी धूसरली हिरवी छाया  खेळ होई पाठशिवणी|| सरीवर सर चळक वाढी झालं ओलं शिवार फण रेघोट्या ओढी कुळव नांगरी वावार || मेघांची आली वारी  झालं रिंगण भुईवरी  वात लहरी फेर धरी थेंब होई विणेकरी|| दिंडी आली मेघांची नाचती आषाढ सरी  साधना भाव-भक्तीची गजर करती जयहरी || आली दिंडी मेघांची बरसली थेंब थेंब धारं पीकं बहरली चैतन्याची पंढरी माझं शेतशिवारं|| भावभावनांचा वारु नाचे   मनगाभाऱ्याच्या रिंगणी आषाढ सरींनी उसळल्या  सुखलहरी हर्षाच्या अंगणी  || भक्तीची वारी घडते पंढरपुरी जय जय विठ्ठल जय हरी पावले थबकली आता घरी घरीच साजरी पंढरीची वारी|| श्री रवींद्रकुमार लटिंगे ओझर्डे वाई दिनांक  १८ जुलै २०२१

भावभावनांचा वारु नाचे  मनगाभाऱ्याच्या रिंगणी आषाढ सरींनी उसळल्या  सुखलहरी हर्षाच्या अंगणी | भक्तीची वारी घडते पंढरपुरी जय जय विठ्ठल जय हरी पावले थबकली आता घरी  घरीच साजरी माझी वारी |

ऊनपावसाच्या  रंगपटात  निसर्गाने कुंचला फिरवला   सोनेरी स्पॉटलाईट उमटला  टेकडी नजिकच्या गावात || कोण रंगकर्मी कोण नेपथ्यकार  कोण अभिनेता कोण कलाकार  निसर्ग सौंदर्याचा कोण जादूगार    नेत्रदीपक छबीचा कोण किमयागार||

      इंद्रधनुष्य आकार सातरंगी वर्णपटाचा  निसर्ग आहे किमयागार पिवळ्या प्रकाश किरणांचा  क्षणभर दिसे चमत्कार|| आषाढ मासातही रंगला  खेळ ऊनपावसाशी  इंद्रधनूचा गोफ विणला   कृष्णधवल अवकाशी ||  उमटली आभाळाच्या पाटीवर  मनमोहक सप्तरंगी कमान  वाऱ्यासंगे रिमझिम पावसाचे   गायन  वादन छान छान || साज तुषार किरणांचा  उभारला  आसमानी  नजराणा इंद्रधनूचा    भुरळ घालतो मनी||

आषाढ मासातही रंगला खेळ ऊनपावसाचा  कृष्णधवल अंबरी  गोफ विणला इंद्रधनूचा||   साज तुषार किरणांचा  साकारला  आसमानी | नजराणा इंद्रधनूचा    भुरळ घालतो मनी||

केली नांगरणी पाट्याळणी  शेतात साठवलयं पाणी खाचरात सुरू चिखल मळणी व्हईल सुरू भात आवणी 

आली दिंडी मेघांची बरसली थेंब थेंब धारं पीकं वाढती भक्तीची माझी पंढरी शिवारं|| मेघांची आली वारी झालं रिंगण भुईवरी वात लहरी फेर धरी थेंब होईल विणेकरी||

रणरणत्या उन्हात एकजुटीने जलमित्रांनी घाम गाळला जमिनी भिजल्या पावसाने जलसंचय चरात वाढला| समद्या रानी पाऊस बरसला ओलंचिंब केलं धरणीला जलप्रवाह झिरपला पाझरला समतल चरात साठा साचला|

कोसळती उंच कड्यातून सफेद दुधाळ जलधारा धबधबे घेती लोटांगण  अन् तुषार उसळवी वारा|| उसळत्या जलधारा कड्याखाली शुभ्र फवारे वाऱ्या संग उंडारी गतीने उतरती पायथ्याखाली जलप्रपाताचे सौंदर्य दिसे भारी||

तलाव ओसंडतो ओथंबूनी फेसाळतं जातं दुधाळ पाणी| मनमोहक निसर्ग दृश्य पाहूनी स्फुटतात ओठावर आनंद गाणी||

भ्रमर निपचित शांत बसला   पर्णहीन फांदीच्या अग्रावर  पंख पसरुनी केले सुखासन तीट दिसे जणू हिरवाईवर

फुलपाखरू फुलासवे..... क्षणात हसते क्षणात रुसते क्षणात बसते क्षणात फिरते | कधी भिरभिरते कधी नाचते   कधी फेर धरुनी मुक्त बागडते|

        खेळूया  गोट्या  गावाकडचा खेळ मजेमजेचा  बालपणीच्या सुख आनंदाचा काचेच्या गोट्या नापानापीचा नाहीतर हडकीने तानापाणीचा रिंगणात डाव मांडला  हंटरने मग नेम धरला  गोटीला ताड्या मारला  मग अचूक नेम बसला  मांडला डाव खेळाचा काची अथवा हडकीचा नजरेने गोटी टिपायचा   अख्खी ढाय जिंकायचा नाहीतर गलीत कचायचे  पगा दुगा तिगा ठरवायचे गुढघ्याची घोडी करायचे  नेम धरून गोटीला टिपायचे  गडी वाटून डाव खेळायचं लांबवर  पिंगवत नेहायचं हुकले की गलिकडं जायचं मूठ किंवा ढोपराने खुरटायचं गेले ते दिवस राहिल्या त्या आठवणी  खेळण्याची फार मजाच बालपणी  खेळण्यापायी घरच्यांची बोलणी  तरी पुन्हा डाव पडायचा मैदानी श्री रवींद्रकुमार लटिंगे ओझर्डे वाई दि.९ जुलै २०२१

रिंगणात डाव मांडला मग नेम हंटरने धरला गोटीला ताड्या मारला मग अचूक नेम बसला नेम धरून गोटीला हणायचं लांबवर पिंगवत नेहायचं हुकलं की गलीकडं जायचं मूठ अथवा ढोपरानं खुरटायचं

       विटी-दांडू  खेळ हा मजेशीर मातीतला  रिंगण गलीत या खेळायला ओलीसुकीने डाव सुरू झाला  रिंगणातून दांडूने विट्टी कोला| विट्टी झेलण्या टपले खेळाडू  चिअर अप देती सगळेच भिडू  खेळ उधळायला लागले नडू  वादाचे कोलाहल लागले झडू | घेता घेता विट्टीचा झेल सुटला  एकबल होता डबल झाला  मग विट्टीला टोला लगावला विट्टीच्या मापाचा स्कोर झाला| दुसऱ्या भिडूने विट्टी कोलली धावत पळत जावून ती झेलली त्याची मग गलक्याने हुर्यो केली  गटाची एक खेळी संपत आली| प्रतिस्पर्ध्यांचा डाव सुरू झाला  विट्टी कोलता दांडू निसटला  मग दुसऱ्याने टोला हाणला  झेल टिपताना पाय घसरला |  विट्टीला दांडूने थोडं उसळवले  डबल करता करता टिबल झाले मग विट्टीला हवेत टोलवले  चपळाईने झेलबाद केले| असाच खेळ राहिला रंगत चिडाचिडीत होती झगडे  मध्यंतरी बसते खाऊची पंगत  भांडणं विसरण्याचे देती धडे | श्री रवींद्रकुमार लटिंगे ओझर्डे वाई  ९ जुलै २०२१  

नजरेचा खेळ छान छान हळू उडवून टोला हाण रिंगणातून कोलवी विट्टी झेलून करा त्याची सुट्टी ...

पैज लावली भवऱ्याच्या गतीची खात्री लय वेळ फिरण्याची  उमेद ईर्षा पैज जिंकण्याची उकळी फुटतेय हासण्याची ||

गरगर फिरतो भवरा शाळेच्या मधल्या वेळी भवरा फिरवायचा चंग  शाळकरी दोस्तांची खेळी गतीचा वेग बघण्यात दंग कर दोरीनं फिरवला भवरा  अलगद घेतला तळहातावर एकटक बघती गतीचा भवरा   फिरतोय तो गरागरा आरीवर पैज लावती भवऱ्याच्या गतीची  खात्री लय वेळ फिरण्याची उमेद इर्षा पैज जिंकण्याची  उकळी फुटतेय हासण्याची हौस आवडीच्या खेळाची  सर नाही मैदानी खेळाची आठवण येते बालपणीची   मातीतल्या जुन्या खेळाची   दि. ८ जुलै २०२१