काव्य पुष्प-२२६ मैत्रीचे नाते

जागतिक मैत्रीदिनाच्या हार्दिक हार्दिक शुभेच्छा!

मैत्रीचे नाते जपणाऱ्या तमाम मित्रमैत्रिणींना हार्दिक शुभेच्छा!!

 मैत्रीचे नाते..........

आपुलकीने जपते  

निरपेक्षपणे उभारते 

सुखदुःखात उमगते 

हितगुजाने बहरते |

मैत्रीचे नाते..........

जिवापल्याडचे नाते

शुभचिंतक असते 

लढण्याचे बळ देते

उर्मीला प्रेरणा देते |

मैत्रीचे नाते..........

संकटात मशाल होते 

गगनाचा आधार बनते 

प्रसंगावेळी धीर देते 

स्पष्टतेने व्यक्त होते |

मनाचे कवाड उलगडते 

मर्म जाणून मंथन करते  

मोद हर्षाचा झरा होते 

कौतुके खांद्याव मिरवते|

दुःख अडवायला उंभऱ्यासारखा ,

मित्र वनव्यामध्ये गारव्यासारखा……… १

वाट चुकणार नाही जीवनभर कोणी,

एक तू मित्र कर आरशासारखा,

मित्र वनव्यामध्ये गारव्यासारखा……. २

आत्महत्याच करणार नाही कोणी,

मित्र असला जवळ जर मनासारखा,

मित्र वनव्यामध्ये गारव्यासारखा…….. ३

त्रासलो जिंदगी चाळताना पुन्हा,

बस धडा मैत्री वाचण्यासारखा,

मित्र वनव्यामध्ये गारव्यासारखा……. ४

मैत्री चाटते गाय होऊन मना,

जा बिलग तू तिला वासरासारखा,

मित्र वनव्यामध्ये गारव्यासारखा…… ५

कवी अनंत राऊत

काव्य पुष्प-२२६