काव्य पुष्प-२२५झाडांचं जगणे असे..
झाडांचे जगणे असे….
झाडांचे जगणे असे…..
झाडांचा आई अन् देवासारखा आधार घेवूया
झाडातील देवपण अक्षरांच्या दिव्यांनी जपूया
कल्पवृक्षाच्या शोधात पालवीचा सूर्य ओळखूया
फुलापानांशी संवाद साधत वृक्षदिंडी काढूया||
माणुसकीचा पाऊस पाडायला रोपटी लावूया
सोन्याचे झाड पावसात बहरु द्या फुलू द्या
झाडांच्या सावलीत फांद्याव पाखरं बागडू द्या
हसत हसत झाडांना समाधानाने जगू द्या||
झाडांचे झाडपण जपत मनोगत ऐकूया
झाडांचा वसा माणसामाणसात रुजवूया
'झाडांचे जगणे असे' काव्य पुष्प वाचूया
वठलेल्या झाडांची संवेदना जाणवूया||
लहानांसवे झाड होऊन जावूया
मुळांवर घाव घालणारे ओळखूया
झाडांचा छंद जीवापाड जपूया
झाडांकडून जगणं शिकूया||
(कवी अनिल बोधे यांच्या शिर्षकाव्याची रचना)
श्री रवींद्र लटिंगे ओझर्डे वाई
दिनांक-२४मे २०२१
Comments
Post a Comment